AGRI MAG ZORAM LONEITU JULY-SEPTEMBER 2008

1

AGRI MAG ZORAM LONEITU JULY-SEPTEMBER 2008

2

Editor

P.Bhattacharjee

Director of Agriculture

Joint Editors

C. Lalzarliana

Jt . Director of Agriculture

&

C.Lalniliana

Jt . Director (MMA)

Asst Editor

James Vanlalluia

Deputy Director

(Extension)

Cir. Manager

R.Zoramthanga,AAIO

Directorate of Agriculture

Zoram Loneitu-a

thu chhuah duh nei

emaw, lehkha thawn

duh emaw chuan a

hnuaia Address-ah

thawn tur a ni.

Editor

ZORAM LONEITU

P.O. Box – 098

Dte. of Agriculture,

Mizoram : Aizawl.

Pin - 796001

CONTENT

AGRI MAG ZORAM LONEITU JAN. – MARCH 2007

2003

1. Editorial …………………………………………………………………….……. 2

2. Aih ka zak!………………………………………………………………..……… 3

- Pu . Lalzarliana, Jt . Director of Agriculture

3. Bio Pesticides Hman Dan………………………………..…………….…. 5

-R.Zoramthanga, AAIO

4. ITC leh kei……………………………………………………………………….. 9

- PL.Sanghluna, G/S

5. Leileta buh thar hlawkloh chhan te………………………………… 11

- C.Lalnithanga, APPO

6. Thlai damdawi hman dan……………………………………………….. 15

- Biakhmingthanga, AAI

7. Organic Farming Training-in Uttaranchal-ah ka kal ve a… 18

- N.Lalzova, JS, AMFU Hqrs.

8. Thal chhunga thlai rah vawnhim dan tur…..…..…..…………… 22

- Lalhmingmuana, AEO

9. Second Green Revolution Summit & Expo 2008-ah lawman

kan dawng ……………………………………………………………………… 25

- Vanlalvena, G/S

10. Tui lakna (Rural Irrigation) –Collected………...…………..……... 29

- R.Zoramthanga, AAIO

11. KEIMAHNI……………………………………………..………….…………....... 35

AGRI MAG ZORAM LONEITU JULY-SEPTEMBER 2008

3

EDITORIAL

“Chhanna nemin thinur a tikiang thin," tih hi Pathian siam mihring tung

chho tawh phawt tan chuan kan mamawh tlan vek a ni awm e.

Chhungkua, khawtlang, kohhran, ram leh hnam anga kan chenhonaah

te hian chhanna nem hman hi a tha em em a. Thinur deuh ul chung leh aw vin

thak maia khawsa mi reng reng chu miten an hlau va, an hnung lamah an sawisel

a, an nuihzat deuh ru riau thin a ni.

A bik takin Agriculture Department-a thawktute leh loneitute inlaichinna

tha neih kan mamawh em em mai a. Kan indawr tawnna tawngkam te pawh

hman fimkhur a tul hle a ni. Thuchhia a tha te, kan harsatna te, kan mamawh te

inhriatchian sak tum deuh deuh ila. Loneitute hian Agriculture Department-a

mithiamte hi ngaichang thiamin, an thurawn te hi i ngaisangin ngaipawimawh zel

ila. Thawktute pawhin loneitute hi kan mi pawimawh ber an ni tih pawm tlat ila.

Mizoram hi buh leh balah kan lo intodelh ngei theih nan tan la tlangin, kan

indawr tawnnaah chhanna nem diai i hmang zel ang u.

AGRI MAG ZORAM LONEITU JULY-SEPTEMBER 2008

4

AIH KA ZAK!

C.Lalzarliana

Joint Director of Agriculture

Directorate of Agriculture (CH)

Mizoram, Aizawl.

Kan pi pute chuan mi huaisen, mihrang-sahrang hmaa zam ngai lo, sa kap

thei, mi taima, tlawmngai leh zaidam te chu an ngaisang ber thin a. Nu leh paten

makpa atan an duh a, nulaten pasal atan an thlang thin. Chuvangin hetiang mite

hi PASALTHA tiin an ko nghe nghe thin a ni. Tunah chuan hun a lo danglam zo ta,

kan ngaih hlut leh tha kan tih zawng a danglam ta a. Mi huaisen aiin lehkha thiam

leh hausa, sa kap thei aiin Officer te kan ngaisang ta. Hmanlai chuan “Hmangaih

lohte nena buhchangrum ei ai chuan duhtakte nen bahra khura luh ka

thlang zawk" an ti thin a. Tunah erawh chuan, "Duh tak te nena bahra laih ai

chuan nuamsa taka damlai pialral chen dun ka thlang zawk" an ti ta. Pasal

atana tha leh mi ngaihsan chu lehkha thiam, Officer lian, hausa, zaidam, nupui

fanau ngaihsak thiam te hi an ni ta. Hetiang mi hi tunlai chuan PASALTHA tiin an

ko ta zawk a ni. Khawtlangah leh Kohhranah pawh ngaihsan leh zah an hlawh a,

an thlazar hnuaiah mitin an hahdam thin.

Tunlaiin mi thenkhatin,

"Kohhran leh Khawtlang hruaitute

pawh hian milian Ieh hausate uchuak

takin an duhsak a ni" tiin an sawi

thin. Heng mite hi tihpalh thilthua lo

milian thut an ni lo. An milen leh

lehkha thiam vanga fel chawp ni

lovin an fel leh taimak avanga

malsawmna dawng an ni fo zawk.

Josepha kha a rinawm leh dikna

avangin tanin hrehawm tak atangin

Pathianin roreltu atan a ko chhuak a.

Davida pawh tuma hmuh loh lai

pawha a hnaa a rinawm tlat avangin

Pathianin Israel Lal atan hriak a thih

ta. Gideona, mi taima leh rinawm

pawh kha hah taka hna a thawh laiin

Israel-te hruai tura koh a nih kha.

George Washington America

President ropui khan a pa thinrim so

but but karah pawh huaisen takin a

thil tihsual a puang ngam a, President

a nih hnu pawhin kuthnathawh a zak

ngai lo. A rinawmna, dikna leh

taimakna khan dinhmun sang takah a

hlang kai ta a ni. Napoleon ropuia

pawh kha a zinnaah mi pakhat feh

haw thil rit phurin a tawk a, a bula

kal, Lalnu chuan, "Lal hi kawng kian

ta che" a ti a. Mahse ani ngaihdan chu

a lo ni hauh lo mai a, "Amah hi zah lo

mah la a thil phurh tal hi zah ta

che" tiin a chhang let a ni. Leiin Ni a

hel a ni tih hmu chhuaktu pawhin,

"Thudikin a tawrh ai chuan keiman

ka tuar mai ang" tiin a thil

AGRI MAG ZORAM LONEITU JULY-SEPTEMBER 2008

5

hmuhchhuah chu thih thlengin

huaisen takin a tan tlat ngam a ni.

American Negro naupang,

George Carver-a pawh naupang te a

nih lai atangin mi ina awm chungin

lehkha a zir a, a hnathawh apianga a

taimak chungchuan em avangin a

thawhrimna chuan Scientist ropui

takah a hlangkai a, Thomas Edison

pawh "mi â" tiin an School atangin an

hnawtchhuak a, mahse Rail-ah te thil

zuarin hna hnuaihnung ber pawh

thawh hreh nei miah lova thawk

zelin, inhlawh chungin lehkha a zir a,

khawvel Scientist ropui leh

ngaihsanawm berte zinga mi a lo ni

ta. Tunlai Mizo zinga mi hlawhtling

ber berte pawh hi mi taima, rinawm,

thawh hreh nei lo, hnathawh zak ngai

lo an ni vek a ni.

Tunlai thangthar zingah

hnathawh kawr zahpui a, mahni

thawh chhuah phu lova sanga inchei

erawh zak si lo, kuthnathawh zak tlat

- rethei nih zak si lo, lehkha zir tam

nih zak a -TV/ Video en zak leh si lo,

rit phur chunga khawlai kal tlang

ngam lo, inchei zuar chunga kawng

sira thu nileng thak ngam, mahni

chak zawng hna awm loh vanga hna

hmu lo in ti tlat, thil tha ti peih si lo

pawi khawih tura taima hlur si,

midangte fak aia sel nuam ti zawk,

thawk tha peih si lo, mi taimate

hlawhtlinna itsik ching, zahna awm

taka zak si lo thil tha tih zak tlat

thung kan awm ta nual mai.

Thatchhiat vanga retheih te,

Vanpuina beisei vanga BPL family

nih te, lehkha zir tlem vanga fail te,

nawmchen hmasak vanga pachhiat

te, hun hman thiam loh vanga

hlawhchham te, sual vanga tuar te

chu a zahthlak ngei mai!

Hnathawh kawr zahpui ngai

lo, hnathawh vanga kut thap

pawisa lo, dikna tan vanga tuar

huam, tuma hmuh loh pa wha

hinawm, tul lova hun khawhral

ngai lo, thiltha tih zak ngai lo,

hnathawh hreh nei lo mi taima,

zahna tur dik tak, hlauh tur dik,

thawh tur dik, sawi tur dik hriate

hi mi hlawhtling an ni fo. Zah lohna

tura zak tlat thin, thil tha tih Ieh sawi

kawnga zakzum; thatchhiat, dawt

sawi, mut rei zak der si lote chanvo

erawh chu retheih leh hmingchhiat a

ni. Keimahni leh kan chhungkua kan

lo changkan a, kan khawtlang leh

ramin hma a sawn a, a lo nawm zawk

theih nan, "AIH KA ZAK!" ti mai lovin

thiltha tih leh dikna tan tlat ngam a

hun ta.

AGRI MAG ZORAM LONEITU JULY-SEPTEMBER 2008

6

BIO PESTICIDES HMAN DAN

R.ZORAMTHANGA

Asst. Agril. Information Officer

Directorate of Agriculture

Mizoram, Aizawl.

Loneitute thlai chin hian hmelma chi hrang hrang a nei a. A pawimawh

deuh deuhte chu : rannung, natna hrik, hnim, rulhut (plant nematodes), sazu, sava

leh ramsa chi hrang hrangte hi an ni. Heng ho hi a huhovin thlai hmelma Pests an

ti a. Heng ho suat nana hman thil engpawh hi 'Pesticides' an ti.

Kan sawi tak pests chi hrang

hrang zinga suat hautak ber chu

rannung chi hrang hrang (insect

pests) hi a ni. An inthlah pun chak em

avang hian loneitute pawhin rannung

thahna hlo (insecticides) hrang hrang

an hmang nasa hle a ni.

Amaherawhchu rannung thahna hlo

hi hman hnuah pawh thlaia a

bangnawi chambang (residue) hi

mihring tan a hlauhawm a.Chuvangin

insecticides tlem thei ang ber hmang

tura tan kan lak sauh sauh hi a

pawimawh hle a ni. Insecticides

hman tlem phah nana mihring leh

ranin an huat si loh thlai venhimna

tha tak mai pakhat chu Bio-pesticides

hi a ni.

Bio-pesticides awmzia chu a

hming atang hian lo sawi fiah ila.

"Bio" tih chu "nung, nunna nei" tihna

a ni a, pest tih chu a hmaa kan sawi

tawh thlai hmelma chi hrang hrang,

rannung, hnim, natna hrik, etc., te

kha an ni a, "cide" chu that emaw,

“tihlum" emaw tihna a ni. Tichuan

Bio-pesticides chu "thlai tichhetu chi

hrang hrang suat nana hman

thilnung" tihna a ni. Amaherawhchu

Bio-pesticides zinga chhiar tel ve, a

nung chunga hman ni ve si lo a awm

a, chu chu Neem atanga siam

insecticides hi a ni. A chhan chu

hetiang hi Directorate of Plant

Protection, Quarantine & Storage,

Government of India-in Bio-

pesticides zinga a telh vang a ni.

Bio-pesticides hi Mizorama

loneituten an la hmelhriat vak awin

lo ve. Amaherawhchu a tangkai em

avang hian kan lo hriat lawk a tul a

ni. Agriculture Department pawhin

Bio-pesticides siam chhuahna tur

'Bio-Control Laboratory' Neihbawiah

a nei tawh a ni.

Thlai venhim nana hman

hmanraw chi hrang hrang hi a mala

tha tluantling a awm lo. Chuvangin a

huhova hman a ngai a, chu chu

tunlaia kan uar ber Integrated Pest

Managentent (IPM) an tih hi a ni. Bio-

Pesticides pawh hi IPM peng pakhat

Biological Control zinga mi a ni. Bio-

pesticides hi insecticides haw

tawh lo thlai eichhetu leh leilung a

tibawlhhlawh ve lo va, a man fuh

chat chat bawk.

AGRI MAG ZORAM LONEITU JULY-SEPTEMBER 2008

7

Bio-pesticides hi chi hrang hrang

thahnem tak a awm a, an

hmuhchhuah belh zel bawk. Chung

zinga alar zual pariat (8) te chu :

l. Trichogramma 2. Lady-Bird

Beetle 3.Bacillus Thuriingiensis(BT)

4.Nuclear polyhedrosis. viruses

(NPV) 5.(NPV) 5. D.D. -136 Nema-

todc 6. Trichoderma spp 7. Fungi

S. Neem atanga siam rannung thahna

hlo. Heng zinga pathum chauh lo

sawi ila:

1. Trichogramma spp :

Hei hi rannung te tak te, vaihmite

tiat lek khawidang (Wasp) kan tih chi

khat a ni. Chi hrang hrang a awm.

India rama an hman lar ber chu

Trichogramma japonicum leh

Trichogramma chilonis te hi a ni.

Trichogramma hi thlai eichhetu

rannung (pangang) chimawm ber

pakhat, lungphur thlahtu (moths) chi

hrang hrang suattu tangkai tak a ni.

"Thlai hmuna chhuah atanga ni

reilote hnuah Trichogramma puitling

a keu a, chu chuan lungphurthlahtu

tui, la keu lo a zawng nghal vat a, a

mawnga a mei niawm tak, hriau

hmawr tiat lek, zum tak - ovipositor

hmangin ama tui chu

lungphurthlahtu tui (eggs) ah a

phum zung zung ta thin a ni.

Chutiang chuan lungphurthlatu tui a

tichhe nghal a, Lungphurthlahtu

pangang keu tawh lovin, Tricho-

gramma puitling a rawn keu thin a ni.

Hetiang hian thlai eichhetu pangang

inthlahpung thei lovin a lo suat zung

zung mai a ni.

Mithiamte chuan Buhphu

(Corcyra cephalonica) te La leh

Tomato rah eichhetu pangang

(Heliothis armigera) te, Vaihlo hnah

leh Behliang rah eichhetu pangang

(Spodoptera litura)te ho tui (eggs)

hmangin Laboratory-ah Tricho-

gramma hi an vulh pung teuh tcuh a.

Chung chu loneituten an hmang a, an

thlai hmunah an chhuah ta thin a ni.

Loneitute tan mahnia Trichogramma

hi siam chhuah chi a ni lo.

A HMAN DAN

Laboratory-a Siam, hman mai

theih, peihsa diam, Trichogramma tui

la kcu lo hi tin khat hmun atan

20,000-50.000 a tawk. Lehkhapuan

khawng deuh hlek, inchi khat a hlai.

inchi ruk a seiah Buhphu tui an dah a,

chutah chuan Trichogramma an tui

tir leh a. 140 thlai hmun a hman

dawn chuan kha Trichogramma tui,

keu mai thei awmna Lehkhakhawng

kha kut zungpui tiat lek lekin cheh

bun phawt tur a ni. Tichuan buh

hung khatah pakhat, lehkha chilhna

(Stapler)in buh hnah hnuai lamah

chehbeh tur a ni. Hetiang hian thlai

leh thei kung dangah pawh chilhbeh

tur a ni.

Tichuan chilhbeh atanga ni 4-

10 chhungin Trichogramma puitling

a rawn keu chhuak ang a, chu chuan

buh leh thlai eichhetu,

lungphurthlahtu tui a zawng nghal

char char tawh mai dawn a ni.

Thlai leh a eichhetu rannung

kan sawi tak lam dan azirin

errichogramma chhuah zin lam hi a

danglam thei. A tlangpuiin ni 7-10

danah vawi 3-10 chhuah ila a tawk.

Trichogramma hi thlai vennan

buh, La, Fu leh Tomato, ah an hmang

ber.

AGRI MAG ZORAM LONEITU JULY-SEPTEMBER 2008

8

2. LADYBIRD BEETLES

Hei hi keltelaimawm chi khat,

satel ang tak, bekang fang tiat vela

lian a ni. Thlai eichhetu rannung

chawa ringa ei nghauh nghauh tu a

ni. A note leh a puitling an tangkai ve

ve. He rannung ang hi thlai eichhetu,

keltelaimawm chi khat a awm a. Chu

chu Brinjal Hadda an ti. Brinjal

Hadda thla kauah hian chhunhan ang

tak dum thliah thliah 13 leh a aia tam

a awm a. Ladybird beetles -ah chuan

chhunhan ang tak dum thliah thliah

chu a then ah a awm a, a then ah a

awm lo, mahse dum thliah thliah

(black spot) hi a awm ve a nih

pawhin 13 aiin a tlem ziah.

Ladybird beetles hi chi hrang

hrang 8 a awm a, an hming sawi vek

lo mai ila. Pa thil Chik deuh chuan

thlai hmunah pawh in lo hmu tawh

mai thei. A bikin Antam hmunah a

awm duh zual.

Tunah chuan Laboratory-

ah Ladybird beettle hi a then then

chu an vulh pung thei tawh a ni. Tun

dinhmunah chuan vulh pun a la

harsa a, kan tih theih ber chu kan

huan leh thlai hmuna Ladybird Bettle

awmsa te humhalh hi a ni.

A HMAN DAN

Thlai hmunah amahaawm sa

tam tak a awm. Insecticides kah mai

mai hi Ladybird beetles tan a pawi

thei hle. Laboratory-a vulh pun sa, a

note leh a pui lak a, thlai hmunah

chhuah tur a ni. A bik takin antam chi

hrang hrang zika bawr teuh thin,

hrikhrah tiat, chechang vak lova awm

thin Aphids citu atan te, buh hmuna

kat sep sep thin - Planthoppers tui, a

note leh puitling eitu atan te Lady-

bird beetles hi a tangkai hle a ni. A

puitling aiin a note (grubs) hian chaw

(insect pests) a ei hnem zawk a,

nikhatah. 5-10 a ei thei a ni. Ladybird

beetles hi thlai venhim nan antam chi

hrang hrang, buh, behlawi, faisa,

vaimim, bean, La leh wheat hmunah

a tangkai hle.

3. Neem atang a siam rannung

thahna hlo:

Neem rah atanga siam rannung

thahna hlo hi Bio-pesticides zinga a

lar ber leh hman awlsam ber a ni a. A

hmaa kan sawi lak te ai khan

Mizoram-ah a lar zawk. Hetiang Bio-

pesticide hi hman hnuah pawh

mihring leh ran tan a hlauhawm lo.

Rannung laka thlai ven nana a

tangkaina chhan ber chu a khak (bit-

ter) vang a ni. He a khakna chhan hi

hlo chi hrang hrang, 'limonoids’ vang

an ni. Azadiractim Salanin, Melian-

triol leh Nimbin te an ni. Heng zinga

a lar ber leh hman tam ber siam chu

Azadiracin pai Neem hi Mizorama

awmsa Neem nen hian a inang lo a ni.

Neem atanga siam rannung

thahna hlo hi thlai cichhetu rannung

leh thlai rulhhut (Plant nematodes)

hian a thih phah a ni lova- Neem

rannung thahna hlo kaina thlai zung,

kung, hnah leh a rahte hi an ei duh

lova, an kiansan a ni zawk. Rannung

note leh thlai rulhut te chuan Neem

AGRI MAG ZORAM LONEITU JULY-SEPTEMBER 2008

9

tui an kai chuan an than a thu a, an

puiting thei lo a ni.

India rama Industry chi hrang

hrangin Neem atang hian insecticide

chi hrang 19 lai a siam tawh a. Heng

zingah hian Multineem leh Bioneem

hi a lar ber pahnih an ni. Mizoramah

pawh englai pawhin Multineem hi lei

tur a awm ta.

HMAN DAN

Multineem 3ml. leh tui 1 litre

chawhpawlhin thlai kha a kahna

(sprayer)- a kah mai tur a ni. "Thlai

hmun zau lam leh mamawh tam dan

azirin siam tam mai tur thla khatah

vawi 2 emaw vawi 3 emaw kap nawn

ila a tha.

Neem atanga siam rannung

thahna hlo hi thlai chi hrang hrangah

leh thlai zung tisawrbawktu thlai

rulhut (plant nematodes) suat nan a

tangkai hle. Thlai chi tuh hmain

Multineem 3 ml. leh tui 1 litre

chawpawlhah thlai chi chiah hmasa

ila thlai rulhut lakah a him. Tin,

rulhut ven nan Neemcake (Neem rah,

a hnah leh a kawr/hawng atanga

siam) 10 qtls. hi tin khat hmunah

thlai chi thlak hmain theh ila a tha.

Bio-pesticides chi hrang hrang

kan sawi tak te hi loneituten inhawng

taka hman tuni sela, a hman dan tur

an hriat loh pawhin Agriculture De-

partment-a mithiamte zawt thin sela

a tha ang.

AGRI MAG ZORAM LONEITU JULY-SEPTEMBER 2008

10

ITC LEH KEI

P.L. Sanghluna G. S.

Neihbawi Agri Farm

Thuziakmi ka nih leh nih loh ka ngaihtuah lo. Ngaihtuah ila ka ziak tul kher

lo ang. Mahse, ziakmite hi khawvela mi ngaihsanawm ber te zinga mi anni tih

erawhchu kan telh hram teh ang.

He thu hi ka ziah chakna a rei

tawh; mahse ka huphurh, tul ka ti

bawk si. Nia, khatia ITC a kan va

training kha a hlawk thlak hle mai a.

Ram hmasawnna atana Agriculture

pawimawhziate pawh kan hriat belh

nasain ka hria. Amaherawhchu,

hmasawnna thlen theih nana thil

pawimawh tak ITC pawh hi nasa

zawka tihchangtlun a mamawh hlein

a hriat. Khawvel hmasawnna leh

tunlai kan ram mamawh mil zawnga

kan her rem sauh sauh a pawimawh

hle a ni.

ITC (Hnahthial): ITC-a kan va

training kha keini (Trainees) ho tan

kan nunah mellung chuan pawimawh

tak a ni awm e. Kan la naupang

tlangin kan innel hlawm hle.Kan

thawm pawh a tha ham ham thin

khawp mai. Hnahthial ho felzia

(hospitality) kan telh hram a ni e.

Kan training chhung khan thil

hlimawm leh nuihzatthlak te pawh

ka tawng nual mai. Kan huan tur kan

hal tum a ram kan tih kan, kan thelh

hahthlak leh thinrimthlak tak te kha

theihnghilh chi chu a ni lo tawp mai.

Vawikhat pawh khua atanga hla tak

30 Km vel a hla, chutah 2 Km vel

ramhnuai ke a kal ngai KTP

hnatlangah zing atangin chaw pawh

ei lovin kan chhuak, Dar 2 Pm velah

chaw kan han ei a! Chutah

tawmhulna awm hek lo ruah a rawn

sur, chaw, chawhmeh, ruahtui, a ei a

har khawp mai. A hun lai chuan

hrehawmin lang mahse nuihzatthlak

leh lung tilengtu an lo ni e.

THE BLUE MOUNTAIN: Mizorama

tlang sang ber kan han lawn chu a ni

a! Tui khaw khain min hriatpuilo

mahse nuam kan ti ve hle. A tlang

ngaw chhah tak mai chu Sanctuary a

ni nghal a. Amaherawhchu kan kal

hunin a zir lo nge ramsa leh sava

pawh hmuh tur a vang khawp mai. A

tlang kan han lawn chhuak phei chu

Mt. Everest lawn chhuak ta ang maiin

kan te chul mai a nih kha maw. A

awm tho e, Mizorama tlang sang ber

a ni miau a lawm. Khawvelin min

hriatpui lo mahse keini chuan kan

damchhunga achievement pakhatah

kan ngai ve tlat. A kawng hahthlak

leh hrehawm tak pawh pawisa loa

theihtawp tak meuh meuh a lawn te

pawh kan ni hlawm. Thenkhatte chu

bawkvak chunga an thlen tawk tawk

laiin thenkhatte erawh chu an phur

lutuk chu an tlan chho lawp lawp

AGRI MAG ZORAM LONEITU JULY-SEPTEMBER 2008

11

bawk. Chumai a ni lo, a tlangchhipa

kan thlalakte pawh ka la kawl tha

kiau mai. Kan lawn ngei a ni tih min

hriatpuitu Camera mawlh mai kha

kan keng lo ang tih a hlauhawm.

Kan haw thla lam erawh chu

a danglam ta zar mai. Motor kal

theihna atangin Pick-up hnungah

kan insawh thla chu kan au te thla

tuar tuar mai. Kawng a zim si, a

chhuk si, a khalh Chak phian bawk

si. Hlauhawm tak chu niin ka hria.

Min phurtu kha Driver mawlah kan

chhuah der! Enge kan thiam lohna?

A hlauhawm miau alawm.

ZAWLPUI: Thenzawla AH&VETY

Dept. ran vulhna hmun leh FOREST

Dept. DEER PARK kan tiawh leh a.

A hmuhnawm dangdai hle. Chumi

hnuin Zawlpui ramah Buh chinna

hnnun kan tlawh leh a. Buh natna

(diseases) leh a tichhetu (Pests) chi

hi-ang hrang te a taka han hmuh

chuan nasa takin min tiphur vein ka

hria. Tlaiah Zawlpui hmunah ngei

kan Dept. Serchhip in ruai min

siamsak a, changel hnah phahin

kawtzawlah ruai kan kilho chu a

hlimawm dangdai hle. Mahse,

khuain min thim hnan hman erawh

chu duhthu a sam lo deuh. Mahse,

mahni ka hai erawh kan lo niin

ka hria.

SHILLONG LEH GUWAHATI: The

Final trip te pawh tita ila a sual awm

love. Chuan le, Bangha phei buhhmun

vel kha MIZORAM ni ta se "The Rice

bowl of MIZORAM" ni ngei tur kha

suangtuahna a tithui duh hie. An

vawi khat tharchhuah hian mihrinu

engzat nge a chawm te pawh min tih

theih ang ngaihtuahtir rum rum mai.

Kan zirna kaihhnawih thil tam tak

kan en hman lo erawh chu a pawi hie.

tan chuan a keini Mahse, hiawkthlak

viau tho mai. Hetiang hi thil tangkai

leh tih fo atan a tha hle. Thil danglam

mit la ngawih ngawih sawi tur

erawh ka hre lem lo. Mahse, khawvel

pawha lang pha Cherrapunjee

(Khawvela ruahtui tlak tamna ber)

kan tlawh thu erawh kan telh hram a

ni e.

Ti kha kan ziah theih chu a ni a,

duhthusam lo pawh a awm ang tih ka

ring. Mahse, ka theih tawk chu hei hi

a ni e. Ram hmasawnna hi

Agriculture-ah a innghat nasa.

Ram leh hnam zahawm kan nih theih

nan kan intodelh a ngai. A chiang

khawp mai. Power, Industry leh oil

and natural gas lam chu sawi loh a

leng a ni. Tin, kan sawi tum pawh a ni

ber lo.Kan ram dinhmun leh awmdan

enin Agriculture intodelh chiah hi

tun mai a kan tih theih awmchhun a

ni.

AGRI MAG ZORAM LONEITU JULY-SEPTEMBER 2008

12

LEILETA BUH THAR HLAWK LOH CHHANTE

C. Lalnithanga

Asst. Plant Protection Officer,

Directorate of Agriculture(CH)

Aizawl, Mizoram

Mizoramah hian Leilet hminsa enkawl mek (buh chin nana hman mek) hi a

tam ve tawh hle. Mizoram District pariat (8) zingah hian leilet tha tamna deuh

chu Champhai, Kolasib, Serchhip District te hi a ni. Heng bakah hian district

dangah pawh leilet hminsa hi a awm nual bawk. Fur lai hian leiletah chuan buh

chin a ni ber a, hei vang hian leilet sawi nan pawh sap tawng "Wet Rice

Cultivation" (WRC) tiin an sawi thin a ni. India rama state liana leileta buh thar

zat leh Mizoram leileta buh thar zat hi a intam hleih hle mai. Hei vang hian

Mizorama leilet neitute hian tan an lak sauh sauh a tul a ni. Leilet hminsa awm

ang angah hian a tam thei ang ber buh thar nise, a neituten an chhungkaw tla bak

chu an hralh duh ngei ang a, chil leilet nei ve loten an chan sak duh ngei ang.

Kan sawi tak ang khan leiletah

hian buh kan la thar tam lo hle. Kan

thar hlawk loh chhan kawng hrang

hrang te chu hengte hi a ni.

1. A Buh chi tha (improved

varieties) kan ching lo : Mizoram

leilet neitu tam ber chuan an

chhungkaw ei duh zawng tak 'buh

tui' chin an duh ber a, hei vang hian

leilet buh tui an zawng nasa a,

thenawmpa emaw khaw danga an

thenrualtha emaw ten buhtui nia an

sawi chu chin ve dan kawng an dap

thuai zel. Hei vang hian Agriculture

Department-in buh thar hlawk chi

(improved varieties) a lakchhuah hi

mi tam takin ching bawk mahse, mi

thenkhat chuan ‘tui' an tih loh vang

leh 'a thing a nung' an tih avangin tun

thlengin an la ching duh lo a ni.

Buh chitha (improved varieties).

heng IR 36, IR 64, MTU, Pant-12 etc.

te hi a tui tho a, tharhlawk thung a ni

Leilet neitute hian an chhungkaw tla

aia tam daih thar tum se, an mamawh

bak (surplus) chu hralh zel sela, hemi

atan hian Co-operative Society

mumal tak te pawh din se, tichuan

leilet nei ve loten awlsam taka buhfai

lei tur, tharlam si, tui si, hrisel si an lo

nei ve mai dawn a ni. Buh chitha hi a

'thar hlawk’ tia kan sawina chhan

chu : hun a duh rei lo (ni 120 velah a

seng theih) a, a kung a khauh a, natna

a do thei a, a vui lian (effective tillers)

a tam a, a zakzeh a tlem a, sik leh sa

inthlak a tuar thei bawk.

2.Lei leh ngun tawk loh vang:

Thlasik thlai leh thal thlai

(summer vegetables) seng zawh

AGRI MAG ZORAM LONEITU JULY-SEPTEMBER 2008

13

veleh hian lei hi leh nghal tur a ni. Hei

hi sap tawngin, "Deep summer

plough- ing' an ti a, to ruah lo haw

dawn hian phawkphawhraw pui pui

a lei hi leh phawt tur a ni. Tichuan fur

a rawn intan veleh buhkuina tur

"thehtiah" (nursery seed bed) siam

pahin let nawn leh ila, chu chu buh

phun dawnin ngun takin let leh ila,

dai kawi tawh tur a ni. Lei leh ngun

hian hnim a suat hnem a, leiah

thlaichaw a pun phah a, lei a

rannung tui leh pangang a suat teuh

bawk a, leiin hnawng a pai tam

phah a, boruaka thlai chaw awm

"Nitrogen" kha leiah a luh that

theih phah bawk a ni.

3. Buh tiak upa lutuk phun vang .

Mizoram hmun thenkhatah chuan

leilet neituten an vai chhawr kutah

leilet enkawl an dah a, an vai

chhawr chuan a neitute nena an

inremna tel lo, buh thar rang (tai)

chu an chhungkaw ei turin a ching

phawt a, ta phun fel vek hnuah

bawngin muangchangin a lei a let

a, buh a kui pah bawk a. Tichuan a

buh thanrrang chu a sengfel hnuah

buhpui chu a phun ta chauh thin.

Buhpui atana a buhkui chu a lo upa

hle a, ni 30 aia upa daih, lian tawh

tak tak leh chang tak tak kha a pawt

a, a silfai pahin a ngalah a hem

chawrh chawrh a, tichuan tlai feah

buh a phun zo hram thin. Hetianga

buh tiak upa lutuk phun chu a thang

muang a, a peng tlem a, a par hun

hai lovin buh hung chhe tak tak kha a

lo par a, a vui ve ta mai a, buh

hlawk ngaihna a awm lo reng reng

a ni. An tihsual chang phei chuan

buh tiak upa chuan "chang" (node)

a lo nei hman a, an pawh leh thiar

velna lamah an tih than palh chuan

kha buh tiak kha chuan zik a

chhuah lo reng reng, a vui thei tawh

lo. Tunlaia buh chin dan thar SRI

an tih nen chuan inpersan tak a ni.

4. Buhphun khat lutuk (wide spac-

ing) : Mizorama leiletah hian a

tlangpuiin buh an Phun khat vek,

hei hian a thar a tihtlem phah bawk

a ni. Tunlaia an tlangaupui ber chu

"Intensive Agriculture" a ni. A

awmzia chu hmun leh ram hi a zauh

theih tawh si loh, a awm ang ang

kha a tangkai leh hlawk thei ang ber

a hman tur tihna a ni. Leiletah pawh

buh phun inkar hlat zawng chu 10cm

tur" a ni a, chu chu a awlsam zawngin

"khap khat" a zaua inhlat

a ni tur a ni. (Hei hian SRI dana

buhchin a huam lo). Hetianga khap

khat dana buh kan phun chuan bial

tinah buh hung a lo tam dawn a, a

peng a tam chuan leilet chu hnim

tona tur awm lovin a phui tawk

chiah dawn a ni. Amaherawhchu,

hmun thenkhat a leilet chu tlangram

atanga lui luangin a pawh avangin a

lei a tha a, eng buh pawh phun ila a

kung a sang a, a hnah a buk hluah a,

hei vang hian dum leitha hmunah

chuan buh phun zin hi a tha lo ve

thung.

5. Leilet a hnim lutuk : Mizoram

thingtlang lo leh leileta buh leh thlai

a thar hlawk lohna chhan zinga

pakhat chu "hnim" hi a ni. Hmanlai

kan pi leh pu atangin hnim thlawhfai

nachang chu kan hre tawh a, a

hmanrua pawh kan ram mila hman

chi kan nei tha hle. Leiletah chuan

buh phun hnu, a peng a chhuah

hnuah hian mi thenkhat chuan hnim

an thlo (hlo an thlo) thin a, a tangkai

AGRI MAG ZORAM LONEITU JULY-SEPTEMBER 2008

14

hie. Leiletah hlo suat dan kawng

thum tangkai tak a awm a, chungte

chu :

A hmasa ber atan chuan hnim

suatna tha ber chu buh phun hmaa a

tam thei ang ber leileh ngun hi a ni. A

hma lama kan sawi tawh ang khan lei

leh ngun hian thlai chaw a puntir

bakah hnim chi tam tak leh a tiak tam

tak a suat pah a ni. Buh phun hnu ni

2-na atangin rual taka tui tlin tir pat

hian leiletah hnim a to thei lo. Hemi

atan hian leilet bial tin chu a zawl

(levelled) tha tur a ni.

A dawt lehah chuan hnim tur

hmanga hnim suat hi a sawt hle

bawk. Leileta hnim suat nana hman

tur tha ber te zinga pakhat chu

Butachlor (Machete) hi a ni. Buh

phunsawn ni atanga chhiara ni hnih

chhungin tui tlingah bialko atangin

vaivut nen chawhpawlh hnuah

saranga kut tuam chungin rual taka

vawm darh tur a ni.

Leilet tin khat hmun (1 acre)

atan Butachlor 1.2 litres a tawk a,

hei hi thlam hnuaiah changel hnah

phah chungah emaw, thelret puan

chhungah emaw vaivut fai, 60 kgs.

nen saranga kut tuam chungin

chhangphut hmeh ang hian hmeh

pawlh mai tur a ni. Tichuan, bialko

tlang atangin buh phun tawhah

vawmdarh mai tur a ni, a awlsam

hle, a kahna Sprayer hman leh neih

kher pawh a ngai lo.

A pathumna atan chuan buh a

peng ta tihah buh thar leh a tlar

inkarah khan thir (steel) a siam

hnim nawr thlukna "Paddy weeder"

hmanga hnim nawrthluk a ni. A ke

ang deuha siam "wheel" kha a vir

thei a, a chemte ang deuha awm khan

hnim a nawrthlu a, lei a letphut pah

bawk. Hetia paddy weeder hman hi

hnim suat nan a that bakah buh bul

vela lei tlamuk kha a tithawl a, buh

zungin "chaw" a hip tam theih phah

bawk a, a tangkai em em a ni.

6. Buh eichhetu leh natna ven ngun

loh vang : Buh eichhetu rannung chi

hrang hrang a awm a, a lar zual phei

chu a tam lo. A natna pawh India ram

hmun danga awm thin tam tak hi

Mizoramah a awm mang lova, a

vanneihthlak hle.

Buh eichhetu rannung lar

zual deuh deuh te chu hengte hi a ni.

(1) Yellow stem borer leh white

stem borer: A pui (adult) chu

lungphurthlahtu a ni a, a eng zawk

hi buhpawl rawng, a thla tawn tawna

chhunhan pakhat ve ve awm a ni,

pakhat hi a var a ni thung. A pui chu

buh hnahah a tui a, reiloteah

pangang a lo keu a, pangang chuan

buh kung a kher a, a tawm tlat a, hei

vang hian buh zik a thi thin a ni. A

hnuah a buhchium a, a pui a lo

chhuak thin.

(2) Leaf folder : A pui (adult) chu

lungphurthlahtu bawk, te tak te a ni,

AGRI MAG ZORAM LONEITU JULY-SEPTEMBER 2008

15

zanah eng a lawm hle. Buh kungah

leh a hnahah a tui a, a keu veleh

pangang chuan buh hnah a dung

zawngin a khawr a, a chhungah

tawm chungin a hnah hring a ei

thin. A hnaha buhchium atangin a

pui a chhuak thin.

(3) Caseworm: A pui chu a var deuh,

lungphurthlahtu tho a ni a, a tui

atangin pangang a keu a, pangang

chuan buh hnah chu 2 inches vel a

seiin a sehchhum a, chhemthei angin

a khawr a, a chhungah tawm chungin

a lu a tilawr a, buh hnah a ei thin. A

hnuah a buhchium atangin a pui a

chhuak thin.

(4) Rice hispa : Keltelaimawm

(beetle) chi khat a ni a, a nak tawn

tawnah hling (spine) a nei a, a dum

a ni a, buh hnah a dung zawnga ei

rangtu a ni.

(5) Plant hoppers : Heng ho hi khau

note ang tak, kat nalh nalh thei hi a

ni a, a hring, a buang, a rang leh a

var a awnn a, buh kunga a tuihnang

(sap) awm kha a dawt thin a ni. Buh

kung a dawt vang hian a natna awm

si lovin buh a ro thawt thawt thei a

ni. Hei hi loneitu tam tak chuan an

hrethiam lova, “buh a na” emaw “a

tam” emaw “a kumthu” ennaw an ti

mai thin a ni.

Heng rannung hi suat thin loh

chuan buh thar tihlawk lotu pakhat a

ni a, hei vang hian buh phunsawn

atang hian leilet buh chu thlithlai

reng tur a ni. A tul dan azirin

mithiam rawn chunga rannung-

thahna-hlo kah tur a ni. Pangang suat

nan chuan lungphurthlahtu tui (eggs)

tichhe thei Trichogramma japonicum

pawh hman tur a awm bawk.

7. Fertilizer hman loh vang :

Mizorama leilet neitu tam ber

te hi chuan leileta buh chin dawn

hian fertilizer hman hi an duh vak lo.

Amaherawhchu, leilet buh hmunah

hian Urea, DAP leh MOP te hi a tul

ang zat dik tak hmang se chuan tun ai

hian huh an thar tam ngei ang. Buh

chi tha "Improved varieties" kan tih

ho hi fertilizers nena chawm chi tak

a ni vek a, hei vang hian leileta buh

thar tam tur chuan fertilizer hi

hmang thei se, a thatzia leh

tangkaizia an hrechiang hle ang.

AGRI MAG ZORAM LONEITU JULY-SEPTEMBER 2008

16

THLAI DAMDAWI HMAN DAN

Biakhmingthanga Chhangte

Asst. Agril.Inspector

D.A.O. Office, Kolasib.

Mizote hi kan eizawnna ber chu huan siam te, lo neih te, leilet siam te.

Leipui leh nul siam te an ni ber a. Kan thlai thar te a hlawk theih nan theih tawpa

tan lain leitha (Fertilizer) te nen kan enkawl a. Kan thlai chin te nghakhlel taka a

hlawhtlinna rah te hlawk taka seng kan tum lai mekin rannung leh a natna ten a

kungah te, a rahah te, leh a zung lamah te min tihchhiat sak leh thin avangin a

thar a hlawk lo em em a. Chutianga rannung leh a natnaten an tihchhiat fo avang

chuan rannung thahna hlo (Pesticides) te hman a tul thin a ni. Rannung thahna

damdawite hi kan thlai eichhetu ven nan a pawimawh em em a, a hmandan pawh

kan hriat a pawimawh hle a ni.

Rannung Thahna Damdawi Hi Tur

Hlauhawm A Ni:

Khaw pakhatah chuan (a

hming sawi lo mai ila) pa pakhat hian

a sawhthing hmun Di hlo kahna

damdawi hmangin a kap a, a hmang

thiam lo nge a fimkhur lo ni dawn, a

thihphah der mai. Rannung thahna

damdawi kan hman te hi tur (poison)

hlauhawm tak an ni vek a. A

hmandan tur leh a khawih velah te

loneituten an hman fimkhur a tul tak

meuh a ni. Mihring leh kan ranvulhte

tan a hlauhawmna ngaihtuah miah

lovin mi tam takin kan tuisik hman

hmiah hmiah mai hi a pawi em em a

ni. Fimkhur lo taka kan hman chuan

thihna hial a thlen thei a ni. Heng

rannung thahna damdawi te hi kan

thlai ven nan leh enkawl nan chauh

hman i tum ang u.

Mi tam takin heng damdawi le

hi sangha, sava, chakai leh thil dang

man nan te an hmang a, a sate an ei

mai thin a, hei hi thil hlauhawm tak a

ni. Chawp leh chilhin kan taksaah

damdawi hnathawh kha tang nghal lo

mahse kan taksaah a chambang reng

a, a ral ve mai thei lova, thisen zam a

zuiin hmun hrang hrangah a bo thei a

ni.Ei lai leh a hnuah lang nghal mai lo

mah se khua reiah taksa a lo chak loh

hunah emaw upat lamah kha

damdawi kan ei tel hnathawh kha a

lo lang chhuak thei a. Cancer ang

thisen leh taksaah zung a kai nghet a.

Chak lohna avangin kulchona an

neiin hrisel lohna tam tak an neih

phah a ni. Rannung thahna

damdawiin hetianga mihring taksaa

a thawh theih avang hian a hman

danah i fimkhur ang u. Rannung

thahna damdawi te hi damdawi mai

ni lovin TUR a ni tih i hre nawn leh

ang u.

AGRI MAG ZORAM LONEITU JULY-SEPTEMBER 2008

17

Rannung thahna damdawi hi a

kah emaw a theh emawa kan hman

dawnin heng a hnuaia sawi te hi hriat

leh zawm ngei i tum hram hram ang

u.

1. Rannung thahna damdawi hman

dawnin a bawm pawn lama thuziak.

kaihhruaina (Direction) te hi ngun

taka chhiar hmasak tur a ni. A chhiar

thiam loten a chhiar thiam leh hriate

rawn ngei tur a ni.

2. A hman tur zat tarlan anga kah

ngei tur a ni.

3. Damdawi kah dawnin thawmhnaw

hman/hak bik neih ngei tur a ni. A

theih chuan kutkawr neih ngei tur a

ni.

4. Pan emaw hliam/pem nei chunga

damdawi kah loh tur. Loh theih loh

thila damdawi kah a nih chuan pan

emaw hliam/pem lai kha bandage

chhah tha taka tuama kah tur a ni.

5. Thli lo kalna lam hawi zawnga kah

loh a tha, thli hnungpuak zawnga kah

tur a ni.

6. Ruah sur lai leh thli thawt laia kah

loh tur a ni. A theih chuan zing lama

kah a tha. Thli a awm lo deuh.

7. Damdawi phut kan theh dawn a

nih chuan tlai lamah theh lovin zing

lamah theh a tha ber. Zing dai huh

nen a in chawhpawlh a, thlai hnaha

damdawi kha a bet nghet bik a, hna a

thawk chak thei zawk a ni.

8. Damdawi kah zawhah sahbawn

nena inbual fai ngei tur a ni.

9. Damdawi bawm/ip chu kut lawnga

hawng mai lovin lehkha emaw

sarang chhanin hawn tur a ni. Kut

lawnga hawn loh hram tur a ni.

10. Damdawi bur/bawm ruak chu

thil dangdah nan hman rengreng loh

tur. Damdawi bur/bawm ruak chu

paih mai lovin leia phum bo daih tur

a ni.

11. Damdawi khawih lai leh kah laiin

thil kan eiin, mei kan zu mai tur a ni

lo.

12. Damdawi chu tui nena chawh-

pawlh dawnin a chawhpawlhna tur

bur bik bucket emaw, khawnvartui

tin emaw, plastic bur emaw, barrel

bung emaw hman tur. I bungbel

hman lai te, hman leh mai tur chi chu

hman loh tur a ni.

13. Damdawi chu tui nena chawh-

pawlh dawnin kut lawnga chawk mai

lovin hmawlh sei khauh deuha

chawh tur a ni. Hei hian taksaa

inchawh per tur lakah a veng a ni.

Chawh per loh hram hram tur.

14. A kahna tur bur chhunga

damdawi i thun zawhah thil i ei hma,

mei zuk hma leh hna i thawh zawhah

kut ngun takin sahbawn nen tuiin

silfai tur a ni.

15. Damdawi kahna hmun chu a ro/

hul hmain ran emaw mihring emaw

kaltir loh tur. Inhruk hul zel a tha.

16. Damdawi kahna bur (Sprayer)

pawp leh a dawt (pipe) phui lo leh

tha lo chu hman reng reng loh tur.

Hman hmain a that leh that loh ngun

taka ena siam that tur a ni.

17. Damdawi kahna bur, a dawt

(pipe) te a lo ping mai thei a, hmuiin

AGRI MAG ZORAM LONEITU JULY-SEPTEMBER 2008

18

fawh emaw, ham emaw, chhem mai

loh tur a ni.

18. Damdawi chawhpawlhna

hmanrua reng reng te chu inah emaw

ramah emaw thil dang dahna atan

hman loh tur, kan hmang leh duh

dawn a nih pawhin uluk taka

sahbawn nena silfaia tuisoa chhum

tur a ni.

19. Kut silna tui emaw damdawi leia

tihbuak te chu a lei nen a theih chin

chin ruh faia hmun hla leh him tawka

paih emaw phum bo tur a ni.

20. Huan emaw lo emawa damdawi

hman chi reng reng te chu inchhung

leh in bul vela rannung thah nan

hman loh tur.

21 . Duhthusam tak chuan mi hrisel

thate chauhvin damdawi hmanga

buh leh thlai te hi kah tur a ni.

22. Damdawi dahna bur/ip ruak te

chu paih bo mai lovin leiah feet 2-a

thukah phum bo daih tur a ni. Halral

theih chi chu hal ral mai tur a ni.

23. A kahna hmanrua te chu hman

zawhah fai taka sahbawn nena silfai

tur a ni. Naupang khawih mai mai

theiha dah loh tur a ni.

24. Damdawi khawih leh kah vel

chhung atan ni khatah darkar 5-8 aia

rei hna thawh loh tur. Damdawi kah/

theh zawhah inbual faia thawmhnaw

hak te suk fai tur a ni.

25. Damdawi kah zawhah

hnathawktuah emaw damdawi

kaptuah khan damdawi hnathawh

taksa tana that lohna emaw

damlohna emaw engpawh a awm

thei a, Doctor inentir vat tur a ni.

26. Damdawi kah laia boruaka

damdawi leng vel te hnar leh kaa hip

luh mai loh nan hmaikawr emaw

rawmawl emaw hman tur.

27. Damdawi hman bang leh

hmanraw silna te chu tui luang laiah

emaw dil/tuikhuahah te paih luh loh

tur a ni.

28. Loah emaw huanah emaw

damdawi kah laia ran emaw mihring

emaw kal/ luhtir loh tura khap leh

hriattir tur a ni.

29. Mita damdawi/hlo a luh chuan

tui thianghlima minute 10 vel sil tur

a ni. A rang thei ang bera Doctor pan

tur a ni.

30. Thlaia damdawi kah te kha

thlaiin a ei ral hma loh chuan a rah

seng/ lawha ei nghal mai loh a tha.

Damdawi kah atanga kar hnih emaw

kar thum emaw a thlai kahte kha

ei/lawh chauh tur a ni.

AGRI MAG ZORAM LONEITU JULY-SEPTEMBER 2008

19

ORGAINIC FARMING TRAINING-IN UTTARANCHAL AH KA KAL VE A

-N. Lalzova, Jt. Secretary, AMFU Hqrs. : Aizawl

Agriculture Department, Mizoram bultum AMFU aiawh Organic Farming

Training, Uttaranchal-a kal, tluang tak maiin Mizoram kan lo thleng thei ta hi

lawmawm ka ti hle mai; min tirh chhan erawh ka phur chhuak lovang tih ka hlau

hle, a tlangpui han ziak ve ila.

June 18 ah Lawngtlai ka

chhuahsan a; thil tul leh mamawh te

ka tihfel hnuah June 19,2008

chhuahsanin khan Aizawl Vairengte-

ah Lalremruatpuia Hmar-in min

rawn fin a; ani hi Joint Secretary,

AMFU Vairengte Sub-Division a ni.

Gauhati-ah zan khat riakin a tuk ni

22 khan Delhi lam North East

Express-in kan pan a; a

chhangchhiatthlak hle. Ni 23 zan tlai

takah Delhi Mizoram House kan

thleng a, nikhat chawla kan hahdam

hnuah ni 25 khan Bus-in kan chhuak

leh a; Halwadni atangin Taxi kan la

chhunzawm a, tum anga kan tluan

loh avangin Almora-ah kan riak a, Ni

26 zingah kan training-na hmun tur,

Maikhali State Training Central for

Organic Farming campus chu kan

thleng ta a ni.

Training-naa telve turte

chuan min lo nghak thap tawh a,

Mizoram atanga kal ve,

VL.Remruatpuia, HEO erawh a lo

thleng hmasa tawh a; kan vaiin mi 14

kan ni; 11 te hi Uttaranchal State

chhung Thingpui chingtu te, Fu

chingtu te, Wheat leh thildang

chingtu te an ni a; NGO aiawhte pawh

an lo kal ve a ni.

Dar 10:30 AM-ah training tanin

hman veleh kan zawm ve nghal a;

Training Leader, Dr Kishore

Nautiyal-an kaihruaiin tihtur

pawimawh hmasa inhmelhriatna leh

thu hawnna te neih a ni a; ani hi he

Farm enkawltu Scientist, sorkar dah

a ni. Dr Pushkin Phartiyal, Executive

Director, Livelihood & Sustainable

Development Programme, Central

Himalayan Environment Association;

Nainital, Uttaranchal, INDIA-in

teaching Hindi leh English in Second

Session a chhunzawm nghal a;

'Principles of Adult Learning,

Systematic Approach to Training leh

Setting Objectives," chu tha takin a

present a ni. Lunch neih zawh

chawhnuah chhunzawmin Training

Leader-in min kaihruai leh a,

"About Organic Farming, Organic

Uttaranchal Model leh 'Personal

Development' tih chu a present a;

'Uttaranchal State zatve phawk hi

phaizawl a ni a. phaizawl zahve leh

tlangram zawng zawng hi Organic

Farm a chhuah vek kan tum a ni’

tiin a sawi a; ‘Chumi Project

tihlawhtling tur chuan Uttaranchal

Organic Commodity Board dinin

kum 2000 atang khan hma kan la

tan a. State sorkar pawhin Budget-

ah dahin leh hmundang atangtea

sum kan hmuh hmangin hna kan

thawk a ni a ti bawk. Training ni

khatna chu kan zo a.

Mizoram atanga kal te chu

Xanadu Resort, International Stan-

dard nuam tha deuhah kan thleng

tlang hkawm a; Pu VL Remruatpuia

AGRI MAG ZORAM LONEITU JULY-SEPTEMBER 2008

20

HEO hi kan bulah thlengin kan riak

ho a ni.

A tuk June 27 Dinner neih

zawh hian Training Hall-ah study

tan leh nghalin Training Leader Dr

Kishore Nautiyal bawkin min

kaihruai leh a; Personality Devel-

opment, Tour Around Majkhali

Farm and Discusion min neihpui a;

Duhthusam la ni lo mah se, Dem-

onstration Farm tha tak mai tur a ni

a, training pawh a nuam hlein ka

hria; a hmun ngeia leitha siamna

leh siam dan han zir chu kan hlawk

loh berah pawh kan hloh lo a ni ber

ang. Ruahsur khawchhia leimin

dan avangin kan Resource Person

tur a lo thleng thei meuh lova;

Lunch neih zawh chawhnu dar 1:30

ah kan chhunzawm phah a; Sanjeev

Strivastava, Quality Manager,

Uttaranchal Organic Commodity

Board; Dehradun atanga lo kalin

min kaihruai a. Ka phutna avangin

English chu han telh ve thin mahse,

Hindi-in a kaltlangpui ta a; kan

hriatthiam ve chuan loh avangin kan

chhuahsan ta rih a ni.

June 28 ah hian Sanjeev

Strivastava hian Special Study.

Mizoram atanga kalte tan min

neihpui a; National and Interna-

tional Standard, Small Holder Cer-

tification, Personel Training, Docu-

mentation, etc. chipchiar taka

inzirtirna min neih sak a ni. Kan

chungah that a chhuah hle a; kan

rawn haw lam Kalligodam thlengin

tul leh mamawh min ngaihtuahsak

zung zung a, kan awlsam phah hle

a ni. Certificate te kan la a, tul leh

mamawh te kan tihfel hnuah kan

inmangtha hlawm ta a. Chawhnu dar

2 ah Campus kan chhuahsan a.

Dehradun a haw ve tho tur a

nih vangin Sanjeev Strivastava te

nen Taxi pakhatah kan rawn

chuanghova; tlai 2:30 velah

Ranikhat rawn chhuahsan in

Kathgodam kan rawn pan a; keinin

Bus-in Delhi lam kan pan nghal a

ni. Delhi ah pawh hian inthenin VL

Remruatpuia HEO hian Rajdhani in

Calcutta a pan a. Calcutta atang

hian Aizawl Thlawhna-in a thleng

dawn a ni. Keini erawh Department

sum min kentir kan indaih tawh lova,

bazar vena tura ken kan rawn ring

tawh a. June 29, zan 11:30 PM ah

Brahmaputra Mail-a Delhi rawn

chhuahsanin a tuk tlai dar 4 velah

Gauhati kan thleng a. Sumo Service

kan nan avangin Mizoram kan rawn

pan chhunzawm nghal a, timing taka

rawn tlanin Mizoram kan thleng a, ka

kalpui Lalremruatpuia Hmar hian

Vairengte-ah min chhuksan hnuah

July 2 tlai dar 3:00 ah Aizawl ka rawn

chuangchhuak leh thei ta a ni.

A hmunah kala mit ngeia kan

va hmuh tam tak zinga ngaih

pawimawh tlem ziah remchangah la

ve ila: Uttaranchal tlangrama chengte

hi keimahni anga tlangmi, zu duh ve

tak tak an ni a, anmahni chuan

'Uttarakhand" tih an duh zawk a,

tlangram mawi tak mai a ni.

Tlangram awipang chhe tak awmna

hmun nimah se, terrace nasa leh

hmuhnawn tham tak mai an siam a;

khi khian tlangram awipang hman

tangkai an tumzia a tilang niin ka

hria; tlangram lo neih insawn thin

harsatna chu an buaipui tawh lo viau

ngei ang le. Kum 2000 a State hmu an

ni chauh nain sorkar hmalakna leh

hnathawktu tha an nei a ni ang

AGRI MAG ZORAM LONEITU JULY-SEPTEMBER 2008

21

thlawhhma siamna tur hmun nghet

an nei tha a. An enkawl tha hle a ni.

Kalkawng an nei tha hle bawk a, an

awhawm hle mai.

Kan ram Mizoram Zim leh

mihring tam lohna, kum 23 a State

upa tawh Ei leh bar lama kan la

pachhe viau hi chu kan vei dante

inennawn theuh kan ngaiin ka hria;

hmasawnna hmanrua ngaihtuah leh

Farmers kan puih dante, ruahmanna

siam leh kan thawhzui duh dan leh

thil dang te kalpuina hi hlawhtlin

duhna tak tak nen ti ila kan

hlawhchham miah lovang tih ka ring

tlat; a thu maia hna kan thawh

teuhna hian hlawhchhamna leh

beidawnna mai chauh min

hnutchhiah a ni. Sorkar ruahmanna

tha tak kan mamawh a: a bik takin

kan ram tharchhuah kan

thawhchhuah ve theih tur heng

Aieng, Sawhthing, Alu, etc. kan

chinna tur ngat hi chu Terrace ni thei

vek se, chu chuan, leilung luangral

tur a veng ang; Terrace tha tak kan

neih hian, tlangram loneih insawn

kumtin thin pawh a umbo thei ang;

hmun awia thlai kan thar theih kum

linna tur a ni a, leitha kan hman

tangkai theihna tur pawh a ni;

Organic Farming tha zawk kan nei

ang a, thlai hrisel leh hlawkzawk kan

thar theih phah tawh ang. Tichuan,

thangtharte rochun tlak ram kan

hnutchhiah a ni ang a, thil ropui tak a

ni dawn a ni e.

Heti khawpa pawisa tam

Farmers'-in kan tangkaipui dan

nep/chhe lutuk, a chhan sawi ila kan

inpuhtawn thei viau theihah hian

tute mah hi kan bang tak tak chuang

lova, tuna kan dinhmun leh awmdan

hi a tawk tawh lova kan intihdanglam

a ngai a ni. Politician emaw, Office-a

thawktu emaw, Farmers-te emaw

chauh a ni lova; kan vaiin kan

ngaihtuahna, ruahmanna kan siam

that leh thawhduh dan kan

tihdanglam vek a ngai a ni. Chuti lo

chuan, Kristian kan nihna leh kan

rawngbawlna thlengin a tuar si a nih

hi! Sorkar tha kan siam a ngai a,

ruahmanna tha leh rintlaka siam a,

sorkarin a nih tur ang taka a thawh

phawt chuan farmers" taima leh

rintlak tak tak an lo chhuak ang a.

Kan ram hi hmasawnna chak takah

an hlangkai dawn a ni. Hmun sang

lamah ramngaw kan siam ang a,

hmunhniam lamah Lo leh Huan

siamtute'n ei kan zawng tawh ang;

kan ram zimte atang hian thil ropui

kan tithei a ni. Organic Farming

hmangin ram kan venghim thei

bawk ang.

Aizawl ka rawn chuang chhuak

a. Mizorama Organic Farming Project

enkawl turin Mizoram Orgnic

Commodity Board kan nei tih ka hre

ve chauhva; lawmawm ka ti hle mai.

Kan ram tan tluang leh tha taka an

kal theih nan ka duhsakna ka hlan e.

KA LAWM E.

AGRI MAG ZORAM LONEITU JULY-SEPTEMBER 2008

22

THAL CHHUNGA THLAI RAH VAWNHIM DAN TUR

Lalhmingmuana

Agril. Extension Officer

MIP Office, Aizawl

Mizote hi kan thlai thar leh rah vawnhim chungchangah hian kan la

hniam hle a, hun engemaw chen awlsam te a dahthat theih pawh kan dah uluk

tawk loh avangin ei tlak lohvin an lo chhe leh mai thin a ni. Chuvang chuan kan

thlai rahte hun engemaw chen kan vawnhim theih nan a tihdan awlsam leh tha

kan hriat ve hi a tul hle a ni.

Thlai rah vawn that hian a tum

ber te chu :

1. Thlai thar awm loh huna thlai rah

hrisel tak neih theihna.

2. An chakna chhe chuang lova hun

rei tak vawnhim.

3. Natna leh rannung eichhe thei lak

atanga venhim.

4. An chakna leh thatna vawn that

nana thlai thar te boruak hip luhna

tih tawp sak.

Thlai rah vawnhim nana thil

pawimawh ber te chu boruak vawt

leh hnawng, Oxygen tlem leh Carbon

dioxide tam si an ni. Hei hian thlai

thar leh rah ten boruak an hip luh leh

chhuah a titawp a, chuvang chuan an

chakna paisa an vawnhim theih phah

a ni.

Thlai thar vawnhim dan awlsam

hi chi hnihin a then theih a :

1. Natural - An awmdan pangngaia

khawih che lova awmtirin. Hetiangah

hi chuan bul ei chi heng - alu,

kawlbahra, pangbal, purunvar,

sawhthing, eieng ang chi te hi cho

lovin thla engemaw chen thar theih

an nih hnu pawh hian leiah an

dahthat theih a ni. Amaherawhchu

fur hmaa chawh leh ngei tur an ni.

Hetianga dah that hian sum leh tha

tam tak kan sen belh lova a awlsam

hle bawk.

2. Artificial - Vawnthatna tur siam

chawp hmanga thlai thar vawnthat

dan hi chi engemaw zat a awm thei a.

a) Khur laih :- Kan huan leh loah

khur kan lai ang a, a chhuatah hnah

emaw buhpawl emaw phahin buh,

alu, carrot, purunvar, kawlbahra,

zikhlum ang chi te a dah that theih a.

Kan thlai thar te chu buhpawla

khuhin thingphel emaw dap tah that

takin kan khuh ang a, a chungah

chirhin zut phui leh tur a ni. Khur hi

hmun sang lam tui tlin theih lohnaah

siam tur a ni.

b) Khur laiha boruak chhuahna

siam tel:- Hetiang chi hi hmun vawt

deuhah an hmang thin a. Khur chhin

tha taka siamin boruak lum lutuk

chhuahna an siam tel thin a, hetiang

khurah hian a tul dan azirin thlai thar

hnawng lutuk tihro nan a tihlumna a

dah tel theih bawk. Alu, carrot,

bulbawk leh bul ei chi thlai vawn that

nan an hmang tlangpui.

AGRI MAG ZORAM LONEITU JULY-SEPTEMBER 2008

23

c) Thlai dahthatna in sak :- Thlai

thar vawn thatna in hi a sak theih

bawk a, hmun vawtah chuan a bang

an thuah chhah deuh va, hmun lumah

chuan boruak chhuahna tur tha tak

an siam thin.

Tunlaiah chuan chhungkaw tam

takin Refrigerator kan nei tawh a.Kan

thlai thar leh bazar atanga kan lei te

Fridge ah kan dah mai thin a, kan rin

aia hmain an chhe mai thin a, hei hi

chhan hrang hrang vang a ni thei a,

chungte chu - thlai rah la no lutuk leh

enkawl dan dik tawk lo, thlai natna

leh rannung vangin, thlai thar seng

dan dik tawk lo, phurh kual dan

fimkhur loh vang, seng hnu leh

dahthat inkar rei lutuk, boruak

vawt taka dah thut vangin, fridge

chhung boruak vawt lutuk, fridge

chhung a thlai hnah leh rah te kan

dah tawt lutuk hian boruak che vel a

tibuai thei, fridge chhung hi kan

vawng fai reng tur a ni bawk.

Kan hriat atana tha chu kan thlai

rah te Fridge a kan dahthat dawn

hian boruak vawt lam an tuar theih

chin hi kan ngaih pawimawh a tha

hle a, an tuar theih aia vawta kan dah

chuan ni hnih ni thum lek hnua kan

lakchhuah lehin an lo dukin an tawih

tan mai thin a, hei hi 'Chilling Injury'

an ti. Entirnan thlai rah thenkhatin

vawt an tuar theih tawk te chu-

Thlai hming Temperature ngai zat

Balhla - 12°C

Serthur - 10°C

Fanghma - 7°C

Bawkbawn - 7°C

Thingfanghma - 7°C

Tomato - 7°C

Lakhuihthei - 6°C

Theihai - 5°C

Heng an tuar theih tawk aia

degree hnih emaw thum emaw vela

sanga kan dah theih chuan thlai rah

hrisel pangngai chu chawlhkar

engemaw zat an dahthat theih a ni.

Tin, Thlai rah leh hnah te polythene

rawng nei loa funna fridge a kan dah

hian a thianghlim bakah polythene

chhungah thlai thawkna a vangin

Oxygen tlemin Carbon dioxide a lo

tam a, chu chuan thlai thawkna

titawpin chakna an pai tam tak a

vawng him thei bawk a ni.

Thei leh thlai thenkhat

kan vawnthat rei theih zawng te chu-

Thlai hming Temperature ngai zat

1. Balhla, Theihai, 12 to 14°C

2. Serthlum 3 to 5°C

3. Apple -1 to 4°C

4. Grapes 0 to 2°C

5. Cherry, Peach, Plum 0 to 2°C

6. Strawberry -1 to 4°C

7. Zikhlum -1 to 4°C

8. Tomato 10°C

9. Alu 5 to 9°C

emaw 0to3°C Thla 8-12

Dahthat rei theih zawng

Chawlhkar 2-4 Thingfanghma

Chawlhkar 4-6

Chawlhkar 8-30

Chawlhkar 4-6 2-4 Ni 10-12

Chawlhkar 4-8

Chawlhkar 3-6

Chawlhkar 16-24

AGRI MAG ZORAM LONEITU JULY-SEPTEMBER 2008

24

Kan thlai rah leh bul ei chi

tam tham deuha kan dah that dawn

chuan harsa vak lova kan siam ve

theih kum 1985 a Roy leh Khurdia

ten an siamchhuah 'Zero Energy Cool

Chamber' (eng thahrui mah tel lova

thlai vawn thatna) an tih hi kan siam

ve mai thei ang. He thlai vawn thatna

hi thingtlang electric awm that

lohnaah pawh a hman theih avangin

a tha hle a ni. Hetiang bawmah hian

kan thlai hnah leh rah te chawlhkar

engemaw zat kan dahtha thei a ni. He

bawm siam tur chuan hmun rualrem

leh tui hul thaah leirawhchan leh

cement hmangin bawm feet 5½ a

lian, feet 4 a hlai leh feet 2% a sang

kan siam ang a. An inkara inches 3

awl awm turin a chhung lamah

leirawhchan kan remkual leh vek ang

a. An inkar awl hi baluin kan

hnawhkhat tur a ni. A bawm sei lam

hi kan duh chuan kan belh thei a,

mahse a hlai lam hi chu tihzauh belh

loh a tha zawk. A kar awl a kan balu

dah chu hnawng reng thei turin tui

kan leih emaw a tha berah chuan

pipe te tak te hmangin tui far keuh

keuh reng thei turin kan siam tur a

ni. Kan bawm siam mawngah chuan

buhpawl emaw hnah phahin kan

thlai thar te chu indelh chhe lo turin

uluk takin kan rem ang a, a chungah

polythene in kan khuh tur a ni,

Chumi chungah chuan dap emaw

thingphelin kan khuh ang a, chu chu

buarain kan khuh tha than tawh ang.

Nisa lutuk leh ruah sur thut thei laka

veng turin kan hmanraw neih te

hmangin kan bawm siam hi kan zar

hliah bawk tur a ni.

'Zero Energy Cool Chamber' hi

kum engemaw zat chhung a hman

nawn theih a, hmuar leh patek awm

chu a khat tawka tihfai fo a tha. Thlai

hnah, rah leh bul ei chi dahthat nan a

hman theih a, nipui laia bawnghnute

dahthat nan a tha hle bawk.

AGRI MAG ZORAM LONEITU JULY-SEPTEMBER 2008

25

SECOND GREEN REVOLUTION SUMMIT & EXPO-AH

LAWMMAN KAN DAWNG

Vanlalvena, G/S Directorate of Agri.

A bul tan reng a fuh mai. Kan hotuten a tha thei ang ber turin rorel an tan

a. A kal tur leh tur lo pawh fel takin an thlang a, a hruaitu tur thlengin an thlang

uluk bawk a, kan felfai thah mai. Chumi avang te pawh chu a ni ang e, Best Stall

1st Runner Up Trophy kan hawn thei tlat reng a ni.

Uan thu chang lo sela,

Summit, Expo, Exhibition, etc. ah kan

tel tam tawh (kan thawhpui hetianga

lo kal tawh thinten beng lo

chhungawng se), hetiang lawmman

hi kan la dawng ngai reng reng lova;

chuvang tak chuan he Second Green

Revolution Summit & Expo 2008 hi

kan Department tan mai bakah

Mizoram State tan thil chhinchhiah

tlak a ni.

Tu tute nge kan nih...

He Summit-ah hian Agriculture

Department chu Nodal Department

kan ni a, Allied Department atangin

tel tur engemaw zat an ruat na-in, a

taka rawn tel thei chu Soil & Water

Conservation, Minor Irrigation leh

MIFCO chiah an rawn tel thei

a, anni bakah hian AMFU atangin mi

16 leh Hnam Chhantu Pawl atangin

mi 5 an tel bawk. Tichuan kan vaiin

mi 39 Mizoram Team-ah hian kan tel

a, thuneituten an phal ang zelin a

then an flight a, a then kan Sumo/

Train thla ta nghawng nghawng mai

a ni. Buaina tam tak pumpelha

Kolkata kan thleng tlang thei te kha

thil lawmawm tak a ni.

Sawi lan tlak loh; loh theih

si loh... Over-all Team Leader, Pu C.

Lalniliana, Joint Director (MMA)

hovin sum mamawh tur leh tul dang

zawng zawng kan rel fel a, Advance

Party tur kan inruat a,

mawhphurhnate kan inbel bawk a.

Tichuan a hmatheh pawlah telin Pi

Lalnunpuii Parte, AEO hovin mi 4-te

chuan ni 17.9.2008 khan Salt Lake

Mizoram House-ah iptepui kan bang

a. Mikhual kan tam si, House pahnih

lai nei mah ila Salt Lake lam hi kan

thlawhhma lakna tur lam a nih bawk

si avangin harsa tak chungin kan han

inhnawh leng hram hram a. A hnua

thiante lo thleng zel pawh min

hnawh leng zel mai kha a ni a. House

enkawltute pawh an fakawm ka ti

ngawt mai. A nih dan turah chuan

ICC-te hian Youth Hostel-ah Farmers-

ho chu dah vek an tum kha a ni a. An

lo thlen hmain kan lo va chian hmasa

khanglang a, a nawm loh dan chu

nuam lo tak ani. Ka teh ber chu, Jail

Run Thim a ni ringawt (Jail chhungah

ka la lut miah lo nain). Pindan dung

sei put maiah hian khum chhawng a

inhung tlar dul mai a. Pindan

pakhatah pawh mi 40 vel len theihna

AGRI MAG ZORAM LONEITU JULY-SEPTEMBER 2008

26

tur lai ni si kha Kawngkapui pakhat a awm a, chumi epah chuan tukverh pakhat a

awm leh tawp a, Ceiling Fan mai bakah Table Fan lian chi nen tankawp pawhin a

uap churh mai a, chhun laiah pawh light on loh chuan indap fe a ngai ta ve ang, a

thim khup mai. Kan Farmers duhawm tak tak'te thlen nan chuan kan iai thlawt a

ni. Chutiang a nih avang chuan Mizoram House enkawltute kha fak loh theih

lohah ka ngai.

Hnuhpui kan la…

He Second Green Revolution Summit & Expo hi West Bengal Sorkar leh

Indian Chamber of Commerce tangkawp te buatsaih a ni a. Hemi thila a thusa ber

Pu Korak Basu, Executive Officer, ICC chu an pisapuiah kan va hmu a, an Pisa

puizia kha aw! Kolkata khaw lum leh uih huam mai te chu he pisapui atang hi

chuan khawihli hnai ang huai a ni e. Kan Stall awmna tur, kan luah chin

turte leh thil tul dang te chiang taka min hrilhfiah hnuah Stall chei dan tur

ngaihtuahin kan hmanhlel zui leh a. Tul dang tam tak kan tih hnuah

ngaihtha takin thian dang lo thleng turte kan lo hmuak a.

Hnuhhram lak...

Kan Director zahawm tak, Pu P. Bhattacharjee pawhin min rawn ho thei

hlauh mai. Ni 22.9.2008 tlai lamah kan hotupa ber Pu C. Lalniliana, Joint Director

leh Pu James Vanlalluaia, Deputy Director ( Extension) te chu dam takin an lo

thleng a. Tin, ni 23.9.2008 chuan Pu Ngurrinsanga Sailo hovin a nawlpuite chu

him dam takin an lo thleng bawk a, kan han inhmukhawm chu kan hlimin kan

lawm tlang hle. A tuk chu Summit tan hun a ni mai tawh si a, kan exhibit

materials, ABC Transport hmanga kan thawn chu a lo la thleng thei si lo. Kan

buaizia leh kan hotute luhaizia kha aw!

A hun a lo thleng, Air leh Train-a kan hotuten exhibit items atana an rawn

ken ang chu kan han pho chhuak ve a. Chawhma lam chu kan hawi hil hle mai.

Vanneihthlak takin kan Director-in hma min han lakpui a, kan hotuten theihtawp

an chhuah hnuah chhun dar 1 ni sat vawl vawl lai tak chuan kan bungraw pho tur

chu a rawn thleng ta hi-anl a. Kuli han lak mai tur la lo chu he hun atana mahni

tawka theihtawp chhuaha inchei, kan thiante nen bungrua chu thlantla phungin

kan thiar zo ta vek mai a nih kha! Tichuan theihtawp kan chhuah theuh hnu

chuan mawihnai takin kan Stall chu a lang thei ta a, a lawmawm kher mai.

A Saseh Chu...

He Summit & Expo 2008 hi Union Agriculture Minister hawn

atana ruahman a nih laiin a remchan loh avangin West Bengal Governor

Pu Gopal Krishna Gandhi chuan a hawng a, Pu Jairam Ramesh, Union Minister of

State for Commerce chuan a kharna hun a hmang thung.

State 9 leh Company hrang hrang 46, a vaiin Participating Group 55 te

exhibition-ah kan tel a, Air Conditioned Pavilion 3, stall 120 chuang lai luahkhah

AGRI MAG ZORAM LONEITU JULY-SEPTEMBER 2008

27

a ni a, ni 24 - 26 September, 2008 chhung khan zing dar 10:00 atanga tlai dar

7:00 thleng kan inpho ta thin a ni.

Exhibition kan neih chhung zawng hian Air Conditioned Audito-

riunn un 2-ah Symposium neih thin a ni a. Bengal tcmvng leh Sap tawng tein

ithiålln tak tak, Policy makers ten thu tha leh bengvar thlak tak tak an sawi thin.

Mizoram aiawhin Pu P. Bhattacharjee, Director of Agriculture (Crop Husbandry)

chuan "Problems & Prospects of Agriculture in Mizoram " chungchang a sawi a,

Pu C. Lalniliana, Joint Director of Agriculture (MMA) pawhin "Organic Farming in

Mizoram"chungchang a sawi bawk. An thusawite chu ngaithlatu mi thiam tak tak

te pawhin bengvarthlak an ti hle.

Symposium lama kan pute an buai viau lai hian Exhibition lam an

ngaihthah theih bik loh avangin min rawn vilpui leh zauh zauh thin a. He Summit

ni hnuhnung, ni 26.9.2008 pawh khan thusawi ngaihthlak karah Pu C. Lalniliana,

Joint Director (MMA) hova Stall lama kan buai iau laiin "Best Stall 1st Runner

Up Tro- phy dawng turin Mizoraun Tea i sawm ang u” 9 tih thznsm kan han h

re phut mai Chu. Auditoriunl lam pan in kan pu ho chuan theih tawpin kan tlan

nghal a. Chu lawmman hlu tak chu Mizoram Team Over-all Leader Pu C.

Lalniliana, Joint Director of Agriculture (MMA) chuan lawm takin a dawng ta a ni.

A hnu hnung hnung phungin seh...

Ni 26.9.2008 tiai lam a ni a kan tih tur ang anu kan ti zova, kan nih tur ang

ang kan ni zo ta. Lawmmankan lak avangin rilrua lawmthu sawina tawngtai

mawlh mawlh chungin kan inseng fel tan ta a. Kan bungraw pho chhuah zingah

Hnam Chhantu Pawl thil siam leh S&WC Department ZOCAFE chuan hralh a hle.

Kan Stall hian tlawhtu kah ngah ber kan ti nuam hial. Nuam ve mai mai tak a ni.

Thil lawmawm tak Chu, vai leh hnam dang karah kan khawsa a, buaina leh

harsatna tam tak karah Pathianin min veng a, intih pem, dam loh leh thil tihbo

lakah kan him tlang a; tlai lam luhai .neite pawh kan awin ngei ang, chungte pawh

chuan harsatna siam lovin thuawih takin hun kan hmang zo thei kha thil

lawmawm tak a va ni chiang em! Thianten ni 27-a min hawnsan vek hnuah a hnu

hnung hnung phungin seh tih huamin keini thian 3-te chu a tukah kan tual lenna

khawpui, Aizawl lam panin kan Train/ Sumo haw ve leh ta a ni.

Lawm mai tur kan lo ni...

India ram pum huap pawha Mega Event ni phak ngat, he Second

Green Revolution Summit & Expo-a ka tel ve thei hi thil lawmawm tak a ni. Chumi

piah lamah lawmman hlu tak kan dawng te kha, lawmna thuahhnih kan sin a ni

ringawt. He event atana Mizoram Teaminbuatsaihna tihlawhtlingtute -kan

Minister zahawm tak, Pu H. Rammawi te, kan mamawh kan thlen apiang min

ngaihtuah saktu, kan Principal Secretary Pi L.Tochhawng te, fate ngaihtuah taka

min ngaihtuahtu kan Director Pu P. Bhattacharjee te leh hneh taka min

kaihruaitu Pu C.Lalniliana, Joint Director of Agriculture (MMA) leh Pu James

Vanlalluaia, Deputy Director (Extension) te chungah lawmthu ka sawi a. Tin,

Mizoram tihmingtha tura rawn penchhuak, he Programme-a rawn tel Soil &

AGRI MAG ZORAM LONEITU JULY-SEPTEMBER 2008

28

Water Conservation Department te, Minor Irrigation Department te, MIFCO te,

Hnam Chhantu Pawl te leh AMFU te chungah pawh lawmthu ka sawi bawk e.

AGRI MAG ZORAM LONEITU JULY-SEPTEMBER 2008

29

TUI LAKNA

(RURAL IRRIGATION)

Collected by : R.Zoramthanga, AAIO

Goal: Kum 2009 hma ngeia ram hectare maktaduai 10 (nuai 100) tana

tuilakna ruahman belh.

Ministry of Water Resources chuan State sorkarte nena tang tlangin kum

2009 ral hma ngei a, tuilakna project lian, laihawl leh tenau deuhte hmanga tui

tling chhawr tangkaia ram hectare maktaduai 10 atana tuilakna ruahman belh a

tum a ni.

Tun dinhmun

Ram chhung hectare maktaduai

139.88-a zau chu tuilakna hmanga

chhawr tangkai theih turah ngaih a ni

a. Irrigation project lian leh laihawl

hmangin ram hectare maktaduai

58.46, irrigation scheme tenau

hmanga lei pawna tui awmsa

hmanga siam that theih tur ram

hectare maktaduai 17.42 leh

leihnuaia tui hmanga chawm theih

tur ram hectare maktaduai 64.00 a

zau awma chhut a ni. Ram hectare

maktaduai 99.36 chu tui lakna

hmanga siam that theih tura tih fel a

ni tawh. Mahse, ram siamthat theih

zat tur hi la ruahman kim loh a ni a,

siam that theih tur a nih leh nih loh la

enfiah loh hi hectare maktaduai 14

awma hriat a ni.

(a) Major and Medium Irrigation

(MMI) Projects Ram pum huapa

chhutin major leh medium irrigation

project hmanga tui lakna hmanga

siam that theih ram zaa 66 awma

chhut a ni. IX plan huam chhung leh a

hmaa major leh medium irrigation

project 388 hmangin ram hectare

maktaduai 12.1 chu tuilakna hmanga

siam that a ni tawh a. Hemi bakah

hian State hrang hrangten X ,plan

chhungin Major leh Medium project

204 bun an rawt a, heta tang hian

ram hectare maktaduai 4.99 chu

siamthat belh a ni ang. Tunah hian

major leh medium 173, minor project

4169, minor leh Extension,

Renovation and Modernization

(ERM) projects 21 Chu, Accelerated

Irrigation Benefit Programme (AIBP)

hnuaia Central Loan Assistance

hnuaiah tanpui tawh a ni a; AIBP

hnuaia tuilakna hmanga ram

siamthat beisei zat hi kumtin hectare

maktaduai 0.35 a ni a, kum kalta

kumhnih chhung khan hectare

maktaduai 0.47 chu thlai chinna tlaka

siam that a ni. Tuna X Five Year Plan

la awm mek a AIBP kaltlanga

tuilakna hmanga siamthat tur la awm

hi hectare maktaduai 0.50 a ni. Kum

1951-1997 chhunga Mujor leh

Medium project hmanga ram

siamthat hi chawhrualin kum tin

hectare maktaduai 0.51 ang ani a.

Kum 1997- 2005 chhunga an

siamthat hi chawhrualin kum tin

hectare maktaduai 0.92 ang a ni.

Major and Medium project hmanga

tuilakna hmanga ram siamthat theih

tur hi tunhnai hian a pung Chak

lehzual a. Hei hi AIBP lam tanpui

project hrang hrangte thawh that

vang a ni.

AGRI MAG ZORAM LONEITU JULY-SEPTEMBER 2008

30

Major and medium irrigation

scheme te hawn zauh, tuaithar leh

tihchangtlunna project (Extension,

Renovation and Modernisation

ERM) chu tuna Major leh Medium

scheme kalpui mekte nena inang

tlanga bawhzui mek a ni a. Command

Area Development and Water Man-

agement (CAD and WM) ruala ERM

project bawhzui hi ruahmanna siam

tawhsa tanpui nan leh hman tangkai

a nihna atana tih a ni.

(b) Minor Irrigation Schemes:

Minor irrigation scheme (lei pawna

tui awm leh leihnuaia tui awm hman

tangkai) hmanga tuilakna hi State

hrang hrangah kawng hrang hranga

thawh a ni a. State thenkhatah minor

irrigation hi a tangkai thei ang bera

hman a nih laiin state dangah chuan

a tangkai lem lo hle. Lei chhunga tui

tling hnar'(tuikhuah leh tuikuang)

atanga tuilakna hi a chhawr theih

chin culturable command area (CCA)

ah chuan Hectare 2000 vel chawm

thei a ni, Minor irrigation scheme

hnuaia lei chunga tuitling zaa 70

hman tangkaina tur scheme hi din fel

a ni tawh a. The Report of the

National Commission for Integrated

Water Resources Development

report-a a lan dan chuan chhan hrang

hrang avangin tuikuang

(tanks) a tui tling zat hi a tlem tial

tial a, hemi avang hian tanks leh tui

lakna kawng dang ngaihtuah thuai

leh tuaithar leh thuai hi hna

pawimawhah neih a tum a ni.

Bharat Nirman/Flagship

programmes?

Kum 2004-05 atang khan lo neihna

atana hman tangkai theih tura tui

dahna siamthat, tuaithar leh din thar

hna enchhinna (pilot scheme) chu

sorkar chuan state-sector scheme

anga kalpuiin district ram chhunga

district 16-ah hawn belh ni se a ti a

ni.

(c) Tuitling chhawr tangkai

(Ground Water Development) :

Lei chunga tui tling tam dan

leh a dinhmun enfiahna survey an

neihnaah Central Ground Water

Board. (CGWB) chuan a lova luak

chhuaka tuihna hman nasatna (over-

exploited) hmun leh leihnuaia tui zaa

70-100 siakchhuahna hmun (critical

or dark) tia vuahte a chhinchhiah a.

Tunhnaia survey an neih lehnaah

unit an enfiahah unit 7414 (blocks/

talukas/watershed) zinga 471 chu

'over-exploited' ah a chhiar a, 318

chu 'critical/dark dinhmunah a awm

a ni. Chumi awmzia chu unit zawng

zawng zinga zaa 11 aia tlem chu

over-exploited critical leh

dinhmunah a tihlta a nih Chu.

Tuilakna atana chhawr theih tur chin

hi lei Chung leh leihnuaia

tuitling,mihringin mamawh atana a

hman leh thilsiamna atana hman tur

zaa 10 dah hnua chhut a ni a. Lei

chunga tuitling hi hman theih turin

India ram hmun hrang hrang, a bikin

khawchhak lam Madhya Chhatisgarh

hmun tam zawk leh Andhra Pradesh,

Karnataka, Maharashtra leh Jammu &

Kashmir hmun thenkhatah hmuh a

ni. Punjab, Haryana, Rajasthan,

Gujarat leh TamilNadu-ah te chuan

lei chunga tuitling hman tur dang a

awm tawh loh avangin leihnuaia tling

siak chhuah ni se tiin rawtna siam a

ni a. Hei hian tui tlinna hmun siam

leh tui renchem kawnga

hmanhmawh a tulzia a tilang chiang

hle a ni.

AGRI MAG ZORAM LONEITU JULY-SEPTEMBER 2008

31

• Bharat Nirman hnuaia Target-te chu: Ram siamthat theih tur hi hectare

maktaduai 1 a awm a. He scheme bawhzui nan hian scheme hnuaiah chuan

Panchayati Raj Institutions-te theihtawpa an tan a ngai tih ziah lan a ni.

• Minor Irrigation- Accelerated Irrigation Benefits Programme (AIBP)

Bharat Nirman - Tuilakna: Bharat Nirman chhunga tuilakna project hnuaiah

tuna tui lakna project lian leh laihawl la thawh zawh lohte thawh zawh bakah

kum 2005-06 atanga 2008-09, kum 4 chhunga ram hectare vaibelchhe 1-a zau

chawmna tur tuilakna siam puitlin tum a ni.

Project lian leh laihawl (major and medium) thawh mekte hi zawh chuan ram

hectare nuai 42-chu tui lakna hmanga chawm a ni ang.

Tuilak tur remchang hman tangkai si loh leh hman tur tam tak awm, hman si loh

a awm nual a. Bharat Nirman hnuaiah hian tuilakna hawn zauh hi tuaithar leh

tihchangkan nana, ram hectare nuai 10-a zauva tui tling hman tangkai tum a ni a,

hemi bakah hian command area development leh tui enkawla sawngbawlna lam

thil pawh khawih tel tum a ni.

Loneitute zinga tenau deuh - tribal, dalit leh hnam hnufualte chhawr tangkai

theih tura tui chhawr lem Ioh lei chunga tui awm hmang tangkaia

India ram chhungah hian tui (ground water) hman tangkai loh tam tak a

awm a. Heng tui hmang hian ram hectare-nuai 28 chu tui hnianghnar tawka

chawm tum a ni.

Lui luang atangin ram hectare nuai 10 a zau chu chawm tum a ni bawk a,

hengte hi minor irrigation scheme hmanga thawh a ni ang.

Tuikhur leh tuihnar siamthat, dinthar leh cheibawl hmangin ram hectare

nuai 10 dang chawm tur a ni a, hengte hi minor irrigation scheme tihzauh,

tuaithar leh tihchangtlun hmanga thawh tur a ni ang.

Source-Ministry of Water Resources (Irrigation)

AGRI MAG ZORAM LONEITU JULY-SEPTEMBER 2008

32

MINOR IRRIGATION SCHEMES

UNDER BHARAT NIRMAN PROGRAMME

Thuhma : Leilet buh hi tui chimtir a ngaih avangin leilet siam tura Mizoramah

hma lak a nih rual khan Irrigation (thlai chawmna atana tuilak) lamah hma lak tel

ve nghal a ni kan ti thei ang.

Buh chin hun hi fur tui tam ber lai ni mahse, leilet siam tur chuan tuilak na

tha tak neih a ngai tho a ni. Kum khat ruahtui tla hi tam hle mahse, a insemrual

that loh avangin thal thlai chawmg turin irrigation (tuilak) hi thiltih makmawh

hmasa berte zinga mi a ni bawk. Chuvangin, ei leh bara kan intodelhna tur leh

Agriculture tih hmasawn zelna atan irrigation lama hmalakna hi hmalakna

pawimawh berte zinga mi a ni. A hranpaa sorkarin irrigation lama hma a lak

tanna kha UT hnu kum 1973-74 a ni. Kum 1983-84 hma lam kha chuan loneitute

hnena tanpuina (subsidy grant) pek kha hmalakna awm chu a ni mai a- Senso

ngai chanve lai loneitute tum ve tur a nih thin avangin hna lian leh tlo tur

tuilakpenna/tuikhuah emaw, tuikawng emaw siam a harsa hle thin. 1983-84

atang khan sorkarin senso zawng zawng tumin hma a la tan ta a ni.

Irrigation projects hi a chawm theih tur rain (command area) len dan azirin

chi thum a awm a. Chungte chu:

1. Project command area 4,000 ha. aia tam neite hi Major Irrigation Projects

an ni.

2. Project command area 2,000 ha. leh 4,000 ha. inkara zau neite hi Medium

Irrigation Projects an ni.

3.Project command area 2,000 ha. aia tlem neite hi Minor Irrigation

Projects an ni.

Ram a chhengchhiat em avangin irrigation project pakhatin a chawm theih

tur leilet hlawm khat 2,000 ha. aia zau a awm loh avangin Mizoramah chuan

Minor Irrigation Schemes hi irrigation lama hmalakna kan neih theih awm chhun

chu a ni mai awm e.

Minor Irrigation hi Department of Agriculture & Minor Irrigation hnuaiah

Wing pakhat angin a awm thin a. Joint Director (Minor Irrigation) kaihhruaina

hnuaiah Divi- sion pali, Aizawl, Lunglei, Champhai leh Kolasib-ah Division awmin

Sub-Division pawh pakua Minor Irrigation Wing hnuaiah -hian a awm a ni. Chak

zawka hmalak a nih theihna turin kan sorkar chak tak hmalakna zarah May ni 30,

2007 khan Agriculture Department hnuaia Minor Irrigation Wing chu

Department puitlingah hlankai a lo ni ta. Hetia Department hrang anga a kal

takah chuan leilet chauh ni lovin tlangram terrace leh thlai kumhlun chinna

tlangram huan lam hawia hmalak tel ve a ni ta.

1985-86 atang khan, Annual Plan pawh Minor Irrigation Scheme bil atan a

hranpaa buatsaih a ni. Hmalakna atana Sum ruahman pawh a bul tan kum 1985-

86 ah Rs. 50.00 lakhs chauh a nih laiin tun kum kal lai atana ruahman chu

Rs.2,765.00 lakhs lai a lo ni chho ta. Tunah chuan leilet ram 9,685 ha. lai chawm

thei tur Minor Irrigation projects 255 zawh tawh a ni a: Hetia Department

AGRI MAG ZORAM LONEITU JULY-SEPTEMBER 2008

33

puitlingah hlankai a nih takah phei chuan chak lehzuala kal tumin ruahmanna

lian tak siamin Minor-irrigation Department hi a inpuahchah mek a ni.

Bharat Nirman Programme : Bharat Nirman Programme hi Central sorkarin

tuahmanna pawimawh bik (flagship programme) a neih zinga pakhat, thingtlang

tihhmasawnna atana tui leh pawimawh chak lehzuala kalpui a nih theihna tura

ruahmanna a ni. Bharat Nirman Programme hnuaiah hian hmalakna tur hrang

hrang hlawm ruk a awm a, chungte chu Irrigation, Rural Electrification, Rural

Water Supply, Rural Housing, Rural Roads leh Rural Telephony te an ni.

Bharat Nirman Programme hi ram pum huap ruahmanna programme lian

tak a ni a, kum li (2005-2008) chhung atana ruahman a ni. Hemi hun chhung hian

Irrigation lampang bik a hmalakna hnuaiah leilet/ram hectare maktaduai sawm

tuipek (irrigate) belh turin ruahman a ni. A hnuaia mi ang hian target siam a ni;

Component Target

1. Completion of on-going, Major & 4.20 Mha.

Medium Irrigation Projects.

2. Minor Irrigation Schemes Surface Water Ground Water2,80 Mha.

Surface Water 1.00 Mha.

Ground Water 1.80 Mha.

3. Enhancing utilization of completed projects 2.00 Mha.

ERM of major & medium projects Repair, renovation &1 .00 Mha.

Restoration of water

Bodies/ERM of Minor Irrigation scheme 1.00 Mha.

4. Ground Water Development 1.00 Mha.

TOTAL 10.00 Mha

Mha. hi hectare maktaduai khat tihna a ni.

Major leh Medium Irrigation Projects an awm loh avangin Mizoram

chhung bika hmalakna hi chu Minor Irrigation-ah chauh a ni. Bharat Nirman

Programme hnuaiah hian Minor Irrigation Project thawhna atana pawisa AIB

(Accelerated Irrigation Benefits Programme) hnuaia Central sorkarin min pek

thin hi nasa takin tihpun a ni.

Bharat Nirman programme hnuaia Minor Irrigation achievement leh target

Mizoram State kan neihte chu a hnuaia mi ang hi a ni:

AGRI MAG ZORAM LONEITU JULY-SEPTEMBER 2008

34

Sl.No

Particulars

ACHIEVEMENTS/TARGETS DURING

2005-06

2006-07

2007-08

2008-09

TOTAL

A.FINANCIAL

(figures Rupees in lakhs)

1

AIBP

1,480.00

2,660.67

2,500.00

9,140.67

2

NABARD

200

205.92

210.84

0

616.76

3

ACA

0

300

200

0

500

TOTAL

1,680.00

3,166.59

2910.84

2,500.00

10,257.43

B.PHYSICAL

(figures in ha of irrigation potential created)

1

AIBP

1,860

2,864

2,400

9,524

2

NABARD

165

253

211

0

629

3

ACA

0

385

210

0

595

TOTAL

2,025

3,502

2,821

2,400

10,748

(Source : Directorate of Minor Irrigation, Govt. of Mizoram)

KEIMAHNI

'A' Appointment hmu thar te

Sl.No. Name Name of Post Place of posting

1. Vanlalbeli LDC DAO's Office, Mamit

2. Lalremtluanga Driver Dte. Of Agriculture (C.H.)

'B' Promotion hmu thar te :

Heng Officer te hian Promotion an hmu thar a, kan lawmpui em em a ni.

Sl.No. Name & Designation Name of Promotion Posted to

1 R.K.Nithanga, ASSO Programme Co-ordinator Lengpui

Directorate of Agri. (CH) Under KVK

2 C. Lalthlamuana, SMS (PP) Programme Co-ordinator Khawzawl

DAO Office, Champhai Under KVK

3 Dr.Lalmuanzovi, Instructor Programme Co-ordinator Hnahthial

ITC Hnahthial (Attached to MIP) Under KVK

4 Vanlalhruaia Hnamte, AEO Programme Co-ordinator Lawngtlai

DAO Office, Serchhip Under KVK

5 Lalhmingmuana, AEO Programme Co-ordinator Saiha

Directorate ofAgri. (MIP) Under KVK

AGRI MAG ZORAM LONEITU JULY-SEPTEMBER 2008

35

6. R.Lalramhluni, AEO Programme Co-ordinator N. Vanlaiphai

Directorate of Agri. (R&E) Under KVK

'C' Transfer & Posting

Sl.No. Name of Officer Present Place of Posting New Place of Posting

1 H.Lalthanpuia Deputy Director, (SS) Principal ITC Hnahthial

Directorate of Agri. (CH)

2 K.Cholo DAO Deputy Director, (SS)

Directorate of Agri. (CH)

3 James Vanlalluaia Deputy Director, (Extn) DAO, Saiha

Directorate of Agri. (CH)

4 J.Rothanga SDAO, Aizawl S.O.-cum-S.A.

Directorate of Agri. (CH)

5 H.Joela S.O.-cum-S.A. S.D.A.O. Aizawl

Directorate of Agri.(CH)

6 R.Pachhunga SDAO, Tuipang Instructor, ITC Hnahthial

Directorate ofAgri.(MIP)

7 Tlangtimawia Zote Insecticide Analyst Shall take over the charge

of ASSO (Organic cell) in

addition to his own duties vice

Pu R.K.Nithanga, ASSO

8 Lalbiakthanga AEO, Tlabung AEO

Directorate of Agri (MIP)

9 Rodingi Sailo UDC, DAO Office UDC,

Mamit Directorate of Agri (CH)

'D' AGRICULTURE DEPARTMENT (CROP HUSBANDRY & R&E) POST SIAM

(CREATE) THARTE:

Agriculture Department (Crop Husbandry R&E ) a lo changtlun zawk theih

na tur leh hma a lo sawn theihna turin Post siam (Create) thar a ni :-

a) (Crop Husbandry):-

Sl.No. Name of Post Scale of Pay No. of Post

l. Plant Protection Officer Rs. 12,000-16,500 1

AGRI MAG ZORAM LONEITU JULY-SEPTEMBER 2008

36

2. AEO Rs. 6500-10,500 1

b) (Research & Education) :-

Sl.No. Name of Post Scale of Pay No. of Post

l. Deputy Director Rs. 12,000-16,500 1

(Research & Education)

2. Deputy Director Rs. 12,000-16,500 1

(Farm Quality Seeds)

3. Vice Principal, ITC, Hnahthial Rs. 12,000-16,500 1

4. Subject Matter Specialist (Research) Rs. 8,000- 13,500 1

5. Instructor (Agronomy),ITC, Hnahthial Rs. 8,000- 13,500 1

6. Instructor (Soil Science), ITC Hnahthial Rs. 8,000- 13,500 1

'E' PAWIMAWH DANGTE:-

1. SECOND GREEN REVOLUTION SUMMIT & EXPO 2008 : Second Green

Revolution Summit & Expo 2008 chu 24th - 26th September, 2008 khan Science

City, Kolkata ah neih a ni a. Agriculture Department, Government of Mizoram bul

tumin he Second Green Revolution Summit & Expo 2008 ah hian kan tel ve a. He

ta tel te Chu: Agriculture Department atangin 12 te, AMFU atangin mi 16 te,

Hnam Chhantu atangin mi 5 te, MIFCO atangin mi 1 te, Minor Irrigation atangin

mi 2 te leh Soil & Water Conservation atangin mi 2 an ni. He Summit ah hian Best

Stall 1st Runner Up Trophy kan la a, kan lawm hle.

2. OIL PALM DEVELOPMENT IN MIZORAM :

Mizoram Oil Palm (Regulation of Production and Processing) Act, 2004 chu

Mizoram Legislative Assembly-ah passed in hman theih turin regulate nghal a ni

a. Mizoramah hian Oil Palm chin theihna tur (potential area) 61,000 Ha. a awm a

ni. Tunah hian Potential Area 61,000 Ha ah 4,936 Ha. chu covered tawh a ni.

Oil Palm chin hi Mizoramah a hlawk a ni tih finfiah a ni tawh a. Chuvang

chuan, a hralh zung zung theihna tur ngaihtuah fel nghal a ni a. Memorandum of

understanding (MoU) pawh hetiangin ziah (sign) fel a ni.

1) Godrej Agrovet Ltd - Kolasib&Mamit District

AGRI MAG ZORAM LONEITU JULY-SEPTEMBER 2008

37

2) Ruchi Soya Industries Ltd - Lunglei District

3) Foods Fats & Fertilizers Ltd - Aizawl, Serchhip leh Saiha District.

4) Eco-First Agro India Pvt. Ltd - Lawngtlai District

A hlawhtlin chhoh zelna pawh hmuh chhoh zel a ni a. Ni 17.9.2008 (3:00

PM) khan successful Documentary Film on Oil Palm Cassette pawh Hon'ble

Minister of Agriculture chuan a tlangzarh tawh nghe nghe a ni. 25th - 26th

September, 2008 hian National Research Centre for Oil Palm (NRCOP) leh

Agriculture Department Government of Mizoram tang dun huaihawtin "State

Level Training on Oil Palm Production Technology" Agriculture Conference Hall,

Aizawlah Agriculture Officers 97 thlanchhuahten an nei bawk.

3. ORGANIC FARMING HLA IN PHUAH SIAK:

Mizoram Organic commodity Board leh MZI te tang dun chuan Mizoramah

Organic Farming hmalakna in hmasawn chak zawk theihna turin, Organic

Farming Hla in phuah siakna a buatsaih a. Ni 25th July, 2008 khan hla in phuah

siak result leh lawmman semna programme hlimawm tak Agriculture Conference

Hall, Aizawl ah Pu H.Rammawi, Hon'ble Agriculture Minister hovin hman a ni a.

Hla in phuah siak a ti tha te lawmman 1-na atanga 5-na thleng pek a ni a, 6-na

atanga 10-na thleng consolation prize pek a ni bawk.

4. KVK INAUGURATION PROGRAMME

KVK Lawngtlai chu Ni 5.8.2008 khan Pu H.Rammawi, Hon'ble Minister, Agri.etc

in a hawng a, KVK Saiha pawh Ni 6.8.2008 khan Pu H.Rammawi, Hon'ble

Minister, Agri. etc. bawkin a hawng leh a ni. He KVK pahniha thawk tur Officer leh

Staff chu lak fel an ni tawh bawk.

5. ORGANIC FARMING TRAINING HAWNG:

Agriculture Minister H.Rammawi ni 9.7.2008 khan Agri. Deptt Officer,

kaihhnawih tlawmngai pawlte tana buatsaih State Level Training on Organic

Farming chu Agri. conference hall - ah a hawng.

Training hawnna inkhawm - ah thu sawiin minister chuan, ngun tak leh

thahnemngai taka training hun hmang turin a fuih a, Mizoramin organic

Certificate a neih hmasak ber Thingdawl farm certificate chu a pho chhuak bawk.

Training hi Mizoram Agriculture Deptt. leh Maple Orgtech India Limited,

Kolkata buatsaih a ni.

October ni 1,2008 zing lam dar 10:00 khan Director of Agriculture

(Crop Husbandry) Pu P. Bhattacharjee Office Chamber-ah ni 24 - 26 September,

2008 chhunga West Bengal Sorkar leh Indian Chamber of Commerce tangkawpte

buatsaih 2nd Green Revolution Summit & Expo-a tel Mizoram aiawhten Best Stall

First Runner Up lawmman an lak chu thingpui inhova lawm a ni.

AGRI MAG ZORAM LONEITU JULY-SEPTEMBER 2008

38

Lawmna inkhawm hi Pu P. Bhattacharjee, Director of Agriculture

(Crop Husbandry) chuan kaihruaiin Pu C. Lalniliana Joint Director of Ag-

riculture (MMA) chuan 2nd Revolution Summit & Expo-a an zuk tel dan

tlangpui report a pe.

He Summit-ah hian Punjab, Jharkhand, Kerela, Assam leh Nagaland

te chu Participating State angin an tel a, Mizoram leh Haryana te chu Partner

State anga tel an ni. Anni bakah hian Central Sorkar aiawh Department hrang

hrang te leh Agriculture kaihhnawih Private Company hrang hrang te an tel

bawk.

Summit neih chhung hian loneihna lama hmasawnna tur kawng hrang

hrang sawihona Symposium-ah Pu P. Bhattacharjee, Director of Agriculture

(Crop Husbandry) chuan kalkhawmte hmaah thu tha tak a sawi a, Pu C.

Lalniliana, Joint Director of Agriculture pawhin Mizorama Organic Farming

kalpui mek chungchang a sawi bawk. An thusawi hi kalkhawmte chuan an hlutin

bengvarthlak an ti hle. Mizoram aiawha he Summit-a zuk telte hian Best Stall

Award First Runners Up lawmman an rawn dawng a. Lawmman pakhatna hi a

thlengtu State, Government of West Bengal, Agriculture Department-in an dawng

a, lawmman pathumna chu Jharkhand State-in an dawng thung a ni. Mizoram

Stall hian lawm a hlawhin tlawhtu pawh a ngah hle. Tin, an thil pho chhuah pawh

tam tham tak an hralh nghe nghe a ni.

He Summit-ah hian Mizoram atangin Agriculture Department (Crop

Husbandry) chu a hnarkaitu berah an tang a, anni bakah hian Soil & Water

Conversation Department, Minor Irrigation Department leh MIFCO te

bakah Hnam Chhantu Pawl-te telin an thil siam chhuah leh thlai thar

chhuahte an zuk entir ve a ni, Tin, he Summit hi All Mizoram Farmers Union

(AMFU) aiawh mi 16-ten an chhim ve bawk a ni.